Дьокуускай куорат дьаһалтата крематорийы тутарга көҥүл биэрдэ. Бу туһунан Дьокуускай куорат тутуутун уонна тырааныспарын инфраструктуратын салайааччыта Северина Архипова иһитиннэрдэ.
Эрдэ этиллибитин курдук, крематорийы Маҕаннааҕы кылабыыһаҕа тутуохтаахтар этэ. Бырайыак сыаната – 110 мөлүйүөн. Бэлиэтэммитинэн, крематорий үлэлээтэҕинэ, киһини көмүү сыаната чэпчиэхтээх. Эбийиэги олоххо киллэрии 2022 сыл бастакы кыбаарталыгар былааннанар.