Киирии

Киирии

Сэбиэскэй Сойуус Дьоруойа Ф.М. Охлопков аатын сүгэр Кириэс-Халдьаайы орто оскуолатыгар Ил Түмэн дьокутаата,  агрооскуолалар Сойуустарын бэрэсэдьиэнэ Антонина Григорьева, ХИФУ филологическай факультетын нуучча тылын уонна литературатын үөрэтии методикатын кафедратын сэбиэдиссэйэ Евдокия Никифорова  уонна агрооскуолалар Сойуустарын вице-бэрэсидьиэнэ Петр Дягилев кэлэн бардылар.

Томпо оройуонун Мэҥэ-Алдан уонна Кириэс-Халдьаайы агрооскуолаларын кытта көрсөн, тыа сирин оскуолаларыгар тирээн турар кыһалҕалары быһаараары, агрооскуолалар хайдах үлэлии олороллорун уонна инникигэ туох соруктар, былааннар баалларын билиһиннэрдилэр. Көрсүһүүгэ элбэх ыйытыылары биэрдибит уонна араас кыһалҕалаах боппуруостарбытын туруорустубут. Оскуола дириэктэрэ Александр Федорович Охлопков: «... Кэлиҥҥи кэмҥэ оскуолаҕа киирэр оҕо саҥарара олус мөлтөх буолла. Кэлэр үөрэх дьылыгар оскуолаҕа киириэхтээх 20 оҕоттон, 12 оҕото мөлтөхтүк саҥарар. Бу оҕолору үөрэтэргэ элбэх ыарахаттары көрсөбүт. Нерюнгрига реабилитационнай кииҥҥэ  оҕолор бараллар гынан баран, кэлэллэригэр нууччалыы саҥарар буолан кэлэллэр. Төрөөбүт тылларынан саҥаралларыгар эрэйдэнэллэр. Онон Дьокуускай куоракка маннык киин үлэлээтэҕинэ саха оҕотун сахалыы үөрэтэллэригэр көрдөһөбүт. Биһиги нэһилиэк өрүс уҥуор олорор буоламмыт күһүн, саас хаайтарабыт. Сибээс мөлтөҕө үлэни бытаардар, барыта электроннай буолан, элбэх мэһэйдэри көрсөбүт». Сөптөөх хоруйдары ылан, дуоһуйан тарҕастыбыт.  Маннык тэрээһиннэр буолаллара биһиги үлэбитигэр, саҥа соруктары туруорарбытыгар  куус-көмө буолар.

IMG 20180127 WA0022

Матрена Егоровна Бысыина

Кириэс-Халдьаайы орто оскуолатын агроүөрэхтээһиҥҥэ дириэктэри солбуйааччы

Тарҕат:

Ырытыыгын суруй

Защитный код
Обновить

Бүтэһик сонуннар