Бэс ыйын 7 күнүгэр Дьокуускай куоракка Гагарин скверигэр 200-ча киһи муһунна. Кинилэр бука бары саха тылын чааһын оскуолаҕа булгуччулаах буоллун диэн туруорсаллар.
ГосДуумаҕа бу күннэргэ национальнай өрөспүүбүлүкэлэргэ төрөөбүт тылларын оскуолаҕа үөрэтэллэрин сарбыйар, көҥүл (добровольное обучение) гынар сокуон барылын киллэрэн олороллор. Бу кыһалҕа силиһэ дириҥин, содула улахан буолуон сөптөөҕүн, биллэн турар, бэрт ахсааннаах киһи дьэҥкэтик өйдүүр. “Мин оҕом нууччалыы да, аангылыйалыы да элбэхтик үөрэннэҕинэ киһи-хара буолуо ээ!” диэн бэрт судургу, күннээҕи санааттан хайдах босхолонобут? Норуот сорох араҥата итинник өйдүүрэ дуу, өйдөөбөтө дуу норуот бэйэтэ былдьаһан-тарыһан талбыт дьокутааттара хайдах куоластыылларыгар илэ-бааччы көстүөҕэ. Бүгүн Ил Түмэҥҥэ бэрт элбэх боппуруоһу ырыта, көрө олороллор. Олортон биирдэстэрэ – ГосДуума ити алдьатыылаах бырайыагын утарабыт дуу, суох дуу диэн. Кэтэһэбит.
Бэй. кэр., Александр Назаров хаартыскаҕа түһэриитэ.
Сэҥээриилэр