Бүгүн, кулун тутар 22 күнүгэр, өрөспүүбүлүкэ киин уонна соҕуруу улуустарыгар “плюс” кыраадыс буолара күүтүллэр.
Дьиҥнээх сааскы маҥнайгы күннэргэ дьэ үктэннибит. Саха сиринээҕи гидрометкиин иһитиннэрэринэн, бүгүн Саха сирин киин улуустарыгар уонна илин эҥээригэр кыралаан хаардыаҕа, күнүһүн өссө инчэҕэй хаар түһэрэ күүтүллэр. Ленскэй уонна Өлүөхүмэ улуустарыгар эмиэ сөбүгэр хаардыаҕа, оттон Кэбээйигэ көһө сылдьан күүскэ түһүө диэн сылыктыыллар.
Бүгүн түүн киин улуустарга салгын температурата -9 – 14 кыраадыска диэри тымныйыаҕа, күнүһүн лаппа сылыйан, -3, +2 буолуоҕа. Соҕурууҥҥу улуустарга түүҥҥү өттүгэр биллэ ичигэс – -4 – 9 кыраадыс тымныы, оттон күнүһүн инньэ +6 кыраадыска тиийэ сылыйыаҕа.
Хотугу улуустарга билигин да халлааммыт тымныы, саҥа ылааҥытыйан эрэр. Ол курдук, кулун тутар 22 күнүгэр Хотугу Муустаах байҕал кытылынан тайаан сытар улуустарга түүнүн -22 – 27, намыһах сирдэргэ – -30 – 35 кыраадыс тымныы буолара күүтүллэр. Күһүнүн байҕал олох ыксатыгар -19 – 24, атын сиргэ – -12 – 17 кыраадыс буолуоҕа.
Дьокуускайга кыралаан хаардыаҕа. Түүнүн -11 – 13, күнүһүн – 0+2 буолара күүтүллэр.
Хаартыска: yakutia24.ru
