Киирии

Киирии

Ленскэйтэн Үрүҥ Хайаҕа(Анаабыр) айанныыр өрөспүүбүлүкэ суолун туора үрэхтэр ардахтан халааннаан улаханнык алдьаттылар. Хас да күнү супту тохтоло суох түспүт ардахтартан Мииринэй уонна Арыылаах сэлиэнньэлэрин икки ардыларыгар сытар Коннай, Таборнай, Глубокай үрэхтэр хааларыттан тахсан айан суолун тоҕу суурайда.

Инньэ гынан, Ленскэйтэн Мииринэй диэки кэлэр тиэхиньикэ, таксыы сырыылара буомурталыы сырытта. Айаҕалыы сатаан, сорох сирдэринэн, тиэхиньикэ бэйэтин кыаҕынан туора суолу тэлэргэ күһэлиннэ. Мииринэй куорат аттыгар, уон үһүс килэмиэтир оройуонугар Таборнай (дьицнээх аата “Табалаах”) ордук улахан алдьатыыны таһаарда.

mir

Мииринэй былаастара, Мииринэйдээҕи суол управлениета(МУАД), МАТП, “ВГ” бириискэ айан суолун чөлүгэр түһэриигэ кыахтара баарынан үлэлээтилэр. Табалаах үрэх суолу сиҥнэри анньан хаспах үөскэппит сиригэр бу үөһээ ааттаммыт тэрилтэлэр элбэх гравий, таас куттулар.

mir1

mir2

mir3

Түгэххэ, үрэх уутун аһарарга уруккутааҕар быдан улахан кээмэйдээх турба симилиннэ.

Ити курдук, айылҕабыт барахсан киһи үөйбэтэх-ахтыбатах балаһыанньатын таһааран, ыксата сырытта.

Станислав Алексеев, Мииринэй куорат.

Тарҕат:

Ырытыыгын суруй

Защитный код
Обновить

Бүтэһик сонуннар