Киирии

Киирии

Алдан улууһугар Рэдэрга үрэҕи сүһүрдүбүттэрин туһунан иһитиннэрии атырдьах ыйын 16 күнүгэр тарҕаммыта. Онуоха экология миниистирин бастакы солбуйааччытын эбээһинэһин толорооччу Семен Яковлев саахал сүрүн биричиинэтин ааттаата.\

Кини этэринэн, Рэдэрга үрэх киртийиитигэр “Сириус” бэдэрэт тэрилтэтэ экологическай ыстандаартары тутуспатаҕыттан сылтаан тахсыбыт. “Сириус” тэрилтэни “Норд Голд” диэн ХЭУо наймыласпыт. Бу көмүс сууйуллар сиригэр 40-ча Кытай олохтооҕо үлэлээбит.

“Иниспиэктэрдэр көмһс сууйар кытай үлэһиттэрин кытары көрсөллөрүгэр, кинилэр тугунан дьарыктаналларын, хайдах инньэ тиийбиттэрин да кыайан быһаарбатахтар”, — диир Семен Яковлев. Кини этэринэн, билигин тахсыбыт хоромньуну ааҕаллар.

“Уопсайынан, маннык хоромньу уонунан мөл. солк. буолуон сөп. Чопчу бу түбэлтэҕэ төһө хоромньу оҥоһуллубутун ааҕаллар”, — диир тойон Яковлев. Кини “хампаанньа хоромньуну толуйарга бэлэм” диэтэ. Хампаанньа көмүһү хостуурга лиссиэнсийэлээх, билигин экологическэй сокуону тутуһан үлэлии турар диэн иһитиннэрдэ.

“”Норд Голд” салалтата кэнэҕэһин аннык түбэлтэ тахсыа суоҕа диэн эрэннэрдэ”, — диир Семен Яковлев.

Санатар буоллахха, кытай үлэһиттэрэ өрүстэн ыраас ууну ылан көмүһү сууйууга туттубуттар, ол кэннэ кирдээх ууну төттөрү Рэдэргэ үрэххэ ыыппыттара.

Тарҕат:

Комментарии

Защитный код Обновить