Киирии

Киирии

Ил Дархан социальнай ситимнэргэ Саха сиригэр ойуур баһаарын умулларыыга федеральнай бүддьүөттэн 85 мөл. солк. көрүллэрин туһунан суруйбут. Инньэ гынан, Дьааҥыга сатыылаабыт баһаары умулларыыга көмө тиэрдиллиэ.

Дьааҥыга турбут уоту умулларыы хайдах ыытылларын туһунан бырабыыталыстыба салайааччытын бастакы солбуйааччы Алексей Колодезников, зампред Денис Белозеров уонна экология миниистирэ Сахамин Афанасьев отчуоттаабыттар.

Билиҥҥитэ Дьааҥы улууһугар 12 ойуур баһаара бэлиэтэнэр, онтон биэһэ умуруорулунна. Нэһилиэнньэлээх пууннарга кутал суоһаабат. Мин муниципальнай икки ардыларынааҕы ЧС эрэсиимин биллэрэр туһунан быһаарыыны ылынным. Дьааҥыга турбут баһаары умулларыыга өрөспүүбүлүкэ резервнэй пуондатыттан эбии үп көрүллүө уонна МИ-8 бөртөлүөтү көрдүбүт”, - диэн Ил Дархан иһитиннэрэр.

Маны таһынан, Айсен Сергеевич РФ Айылҕа ресурсаларын уонна экологияҕа миниистирэ Дмитрий Кобылкинныын көрсүһүүтүн түмүгэр, Саха сиригэр ойуур баһаарын умулларыыга федеральнай бүддьүөттэн эбии 85 мөл. солк., итиэннэ эмиэ федеральнай үптэн анал тиэхиньикэни атыылаһарга диэн 66 мөл. солк. көрүллэрин туһунан Арассыыйа Бырабыыталыстыбатын уурааҕа бэлэмнэнэрин туһунан эттэ.

Тарҕат:

Комментарии

Защитный код Обновить