Саха сиригэр ааспыт сууккаттан ыла сэттэ ойуур уотун умуллараллар. Бу туһунан экология министиэристибэтин пресс-сулууспата иһитиннэрэр.
Ол курдук, күөх тайҕа Кэбээйи, Уус Майда, Уус Алдан, Нам улуустарыгар, Дьокуускай куоракка – биирдии баһаар, икки ойуур уота – Мэҥэ Хаҥаласка күүдэпчилэнэр. Уопсайа 2231 гаа иэннээх ойуур умайар. Билиҥҥитэ Мэҥэҕэ, Намҥа, Уус Алдаҥҥа уоту умулларбыттар. ААспыт сууккаҕа уопсайа 7,6 гаа иэннээх сиргэ уоту уодьугуннаабыттар.
Баһаары умулларыыга 176 киһи, 12 тиэхиньикэ үлэлиир. Киһи мээнэ тиийбэт, ыраах сиригэр 3 уот – Алдан уонна Орто Халыма улуустарыгар бэлиэтэнэр. Онно уопсайа 17709 гаа иэннэх сиргэ уот турбут. Уопсайа баһаар сезона саҕаланыаҕыттан 95 ойуур уота бэлиэтэммит, олортон харыстанар ойуур пуондугар – 59 (3228,21 гаа).
