Киирии

Киирии

Үөһээ Дьааҥытааҕы силиэстийэлиир отдел Верхоянскай куоракка 21 саастаах уолу кырбаан өлөрбүт оҕолорго Арассыыйа ХК 111 ыст. 4 ч. (соруйан киһи доруобуйатыгар ыар эчэйиини оҥорон алҕаска өлөрүүгэ тиэрдии) холуобунай дьыаланы көбүттэ.

Өлүгү олунньу 21 күнүгэр сарсыарда 7 ч. саҕана Верхоянскай куорат Киров аат. уул. баар кыбартыыраттан булбуттар. Өлүк этэ-сиинэ бүттэтэ суох эчэйиилээх. Эспиэр быһаарбытынан, уол төбөтүгэр хаан барбытыттан сылтаан өлбүт.

Билигин өлөрүүгэ уорбаланар олохтоох оскуола 8-11 кыл. үөрэнээччилэрин доппуруостууллар, ол түмүгүнэн ким-туох кыттыгастааҕа чуолкайданыаҕа. Билигин, холуобунай дьыала чэрчитинэн, дакаастабылы хомуйуу ыытыллар. Бу туһунан Силиэстийэлиир управление пресс-сулууспата иһитиннэрэр.

Тарҕат:

Комментарии

Защитный код Обновить