Нерюнгри оройуонун Беркакит бөһүөлэгэр ФСБ Саха сиринээҕи салаатын үлэһиттэрэ биир эр киһиттэн 18,5 мөл. солк. сыаналаах бырамыысалыннай көмүһү былдьаатылар. Бу туһунан ФСБ управлениетын пресс-сулууспата иһитиннэрэр.
“Беркакит бөһүөлэгин чугаһыгар «Toyota Nadia» массыынаны тохтоппуттар. Массыынаҕа олоросн иһэр киһи рюкзагыттан 7 уст. кутуулаах кыһыл көмүһү былдьаатылар. Көмүс уопсай ыйааһына 6,7 кг. Тахса. Ити Арассыыйа Киин Баанын котировкатынан 18,5 мөл.солк. тэҥнэһэр, ити олус улахан кээмэйдээх диэн сыаналанар”, — диэн пресс-сулууспа иһитиннэрэр.
Көмүстээх киһи Саха сирин тас өттүгэр таһааран атыылыыр былааннааҕын эппит. Сыаналлаа күндү тааһы сокуоннайа суохтук харайыы уонна тиэйии чахчытынан холуобунай дьыаланы көбүттүлэр.
Санатар буоллахха, соторутааҕыта “АЛРОСА” үлэһиттэрэр алмааһы уоруунан дьарыктаналларын тохтоппуттара.
