Войти

Войти

Алдан куорат медиктэрэ балыыһаҕа кэлбит киһини “куһаҕан сыттааххын” диэн саа да тэбиитигэр чугаһаппатахтарын түмүгэр, ыарыһах балыыһа аанын айаҕар олорон өллө. Бу сидьиҥ, киһиэхэ ыттыы сыһыан туһунан социальнай ситим матырыйаалларыгар тарҕанна.

Социальнай ситимнэргэ Алдан улууһун киин балыыһатын иннигэр олорор 1954 сыллаах төрүөх кырдьаҕас киһи видеота тарҕанна.

“[Медиктэр] балыыһаҕа киллэриэхтэрин баҕарбаттар. Тоҕо диэтэххэ, кини “куһаҕан сыттаах” үһү. Оттон кини балыыһа иннигэр сыппыта күн ааҥара буолла”, -- диэн биидьийэ ааптара устуутун кэмэнтээрийдиир.

Кэлин биллибитинэн, медиктэр ыарыһаҕа сол да көрбөтөхтөр, эр киһи приемнай покой үктэлигэр олорон тыына быстыбыт.

Онон сибээстээн, СӨ Доруобуйа харыстабылын министиэристибэтэ анал бэрэбиэркэни тэрийдэ. Миниистир Елена Борисова маннык кэмэнтээрийдээтэ:

-- Хара маҥнайгыттан итирик туруктаах пациент ыалдьыбытын туһунан суһал көмөнү остолобуойга ыҥырбыттар, онуоха стационарга илдьибиттэр. Ыарыһахха көмпүүтэр томографиятын оҥорбуттар. Туох да кэһиллиини булбатахтар. Киниэхэ бронхит уонна арыгы испитин туруорбуттар уонна дбиэтигэр ыыппыттар. Ол эрээри пациент дьиэтигэр барбакка, балыыһа тиэргэнигэр арыгылыы олорбут. Дьиэтигэр атаара сатаабыттарын кыккыраччы аккаастаабыт, кыйахаммыт. Ол тухары кини балыыһа территориятыгар хаста да киирэ-тахса сылдьыбыт. Сарсыарда 7 ч. биэлсэр өлүгү булан ылбыт. Өлүгү арыйан көрбүттэрэ, ыарыһах быара аккаастаабыт. Бэрэбиэркэ салгыы ыытыллар. Судмедэспиэр арыгыттан сүһүрүүгэ бэрэбиэркэлээри биоматырыйааллары ылбыт. Маны таһынан, быраабы араҥаччылыыр уорганнар эмиэ бэрэбиэркэни ыыталлар.

Тарҕат:

Добавить комментарий

Бүтэһик сонуннар