Ыам ыйын 28 күнүгэр сарсыарда Хатас сэлиэнньэтигэр чааһынай мас дьиэҕэ икки эр киһи (1959 уонна 1966 сылларга төрүөх) уонна икки дьахтар (1973 уонна 1966 сылларга төрүөх) өлүктэрин булбуттара.
Дьулаан булумньуга бу дьонтон биирдэстэрин кытта бииргэ үлэлиир киһи түбэспитэ. Кини үлэлии кэлбэтэх кэллиэгэтин ирдэһэ кэлбит. Полиция кэлэригэр дьиэҕэ туох да ыһыллыбытах, дьиэлээхтэр утуйа сытан барбыт сибикилээхтэр эбит.
Өрөспүүбүлүкэ борокуратуурата тута тиийэн бэрэбиэркэ ыыппытын түмүгэр, бу 4 киһи гааска тумнастан өлбүт курдуктар. Онно ким буруйдааҕын силиэстийэ холуобунай дьыала тиһигинэн быһаарыаҕа.
Дьон ортотугар бу күн олус күүстээх тыал түһэн, умайа турар гаас уотун саба үрэн, тумнастыыга тиэрдибит диэн сабаҕалааһын баар.
Хаартыска: РФ регионнааҕы силиэстийэлиир кэмитиэтэ
