Бөлүүн түүн, биир биллибэт киһи Дьокуускай куоракка, бырабыытылыстыба дьиэтин аанын анныгар сыппыт көбүөрү уоттуу сатаата. Ол видеотын сатамматах "террорист" бэйэтинэн куйаар ситимигэр тарҕатта.
Уталыппакка, ир суолунан ирдэнэн күлүгээн тутулунна.
ИДЬМ тиэрдэринэн, уорбаланааччы Ньурба улууһуттан төрүттээх. Бу иннинэ наркотигы туттуу иһин сууттана сылдьыбыта билиннэ.
Видео устууга эр киһи: "Барыларын уоттуом! Казахтар биһиги эһигинниин!", - диэн хаһыытыыр.
Өрөспүүбүлүкэтээҕи СЭТО (Службы эксплутационно-технического обслуживания) дириэктэрэ Дмитрий Семенов тиэрдэринэн, чааһынай харабыллыыр тэрилтэ үлэһиттэрин тустарыгар билигин кичэллээх бэрэбиэркэ бара турар.
