“Forbes” сурунаал Арассыыйа саамай баай дьокутааттарын уонна чунуобунньуктарын эриэйтиҥин таһаарда. Манна Ил Түмэн дьокутаата, урбаанньыт Руслан Федотов киирдэ. Кини ааспыт сыл түмүгүнэн 980,5 мөл солк дохуоттанан, 100 киһиттэн 13-с миэстэни ылла.
Руслан Федотов Аармыйа кэнниттэн Өлүөхүмэтээҕи техникумҥа мэхээник идэтигэр үөрэммит. Оттон “Амма” сопхуоһугар тырахтарыыстан саҕалаан инженергэ тиийэ үлэлээбит. 1998 сыллаахтан урбаанынан дьарыктанар. Амма улууһун бочуоттаах мецената буолар.