Силиэстийэлиир изолятор үлэһиттэрэ, хаһаайыстыбаннай толоруу этэрээтигэр буруйданан олорооччу дьоҥҥо анаан, Сталинград куоракка фашистар саба түһүүлэрин күнүгэр анаммыт, өйдөбүнньүк уруогу ыыттылар.
Иитэр үлэ салайааччыта Артур Султанов, мустубут дьоҥҥо аҕа Дойду Улуу Сэриитин биир улахан кыргыһыытын туһунан устуоруйаҕа олоҕурбут чахчылары, сэбиэскэй дьон фашизмы утары охсуһууга күүстээх санааларын уонна хорсун быһыыларын санатта.
Хаайыылаахтар кини кэпсээниттэн, аан дойдутааҕы устуоруйаҕа аатырбыт кыргыһыыларга тэҥнээтэххэ, Сталинградтааҕы киирсии ордук уһун, кырыктаах, охсуспут дьонун уонна байыаннай тиэхиникэтин ахсаана элбэҕин, сирин-уотун иэнэ ордук улаханын туһунан биллилэр.
Артур Султанов кэпсиир бириэмэтигэр, Улуу Кыайыы 79 сылыгар анаммыт, интириэһинэй ис хоһоонноох презентация көһүннэ. Хаайыылаахтар этэллэринэн, бу маны көрөн, Сталинградтааҕы кыргыһыы Аҕа Дойду Улуу сэриитигэр тосту уларыйыылары киллэрбитин уонна Аан Дойдутааҕы иккис сэрии хаамыытыгар улахан дьайыыны оҥорбутун туһунан өссө үчүгэйдик билбиттэр.
Даҕатан этэр буоллахха, буруйдаммыт дьоҥҥо аналлаах, маннык иитэр соруктаах байыаннай-патриотическай тэрээһиннэри ыытыы, дойдуга бэриниилээх буолуу өйүн-санаатын уонна дойду хорсун устуоруйатыгар ытыктабылы үөскэтэр.
Саха Өрөспүүбүлүкэтигэр Накаастабылы толорор Федеральнай сулууспа бырабылыанньатын пресс-сулууспатын иһитиннэриититтэн
