“Судаарыстыбаннай кадаастыр сыанабылын киинэ” СӨ судаарыстыбаннай бүддьүөтүн тэрилтэтэ судаарыстыбаннай кадаастыр сыанабылын бу сыллааҕы уочараттаах түмүгүн таһаарда.
2022 сыл түмүгүнэн Саха сирин территориятыгар сир учаастактарын хамсаабат баайын биир кэлим судаарыстыбаннай реестригэр киирбит судаарыстыбаннай кадаастыр сыанабыла оҥоһулунна.
Сыанабылга СӨ Баайга-дуолга уонна сир сыһыаннаһыытыгар министиэристибэтин 13.01.2021 тахсыбыт Р-7 №-дээх дьаһалынан уопсайа 542 785 сир учаастага хабылынна.
Санатан эттэххэ, 2022 сылтан Арассыыйа бары эрэгийиэннэригэр сыанабыл биир кэмҥэ оҥоһулларын туһугар маассабай сыанабыл анал сыыкылынан ыытыллар буолла. Ол түмүгэр быйыл дойду үрдүнэн сир учаастактарын биир кэмҥэ маассабайдык сыаналаатылар. 2023 сылга маннык ньыманан дьиэлэри (зданиелары), тутуулары, сиппэтэх тутуулары, массыына миэстэлэрин сыаналыыллара былааннанар.
2021 сылга судаарыстыбаннай кадаастыр сыанабылыгар бэлэмнэнии чэрчитинэн туһааннаах иһитиннэриини хомуйууга, учуоттааһыҥҥа, мунньууга, ол иһигэр кадаастыр сыаната ырыынак сыанатын кээмэйинэн олохтоммут хамсаабат баай эбийиэктэригэр сыанабылы оҥорорго тэрилтэ улахан үлэни ыыппыта.
Кадаастыр сыанатын быһаарар отчуот бырайыагын оҥорорго хамсаабат баай ырыынагын билиҥҥи сыанатыгар олоҕуран, түһүмэх аайы түмүгү хонтуруоллаабыттара. Онно биир кэлим судаарыстыбаннай реестргэ киирбит хамсаабат баай эбийиэктэрин кытта сөбүлэҥ (сделка) түһэрсии сибидиэнньэтин эмиэ туһаммыттара.
Маннык ньыма отчуот ирдэбилигэр уонна судаарыстыбаннай кадаастыр сыанабылын методическай ыйынньыгар сөп түбэһэрин иһин Росреестр киин аппараатыттан биһириир аактаны ылары ситистэ.
Кадаастыр сыанабылын түмүгүн СӨ Баайга-дуолга уонна сир сыһыаннаһытыыгар министиэристибэтэ 20.10.2022 таһаарбыт “Об утверждении результатов определения кадастровой стоимости земельных участков, расположенных на территории Республики Саха (Якутия)” Р-2513 №-дээх дьаһалынан бигэргэннэ. Бу дьаһал 2023 сыл тохсунньу 1 күнүттэн үлэлээбитинэн барыаҕа.
Сир учаастактарын судаарыстыбаннай кадаастырын сыаналааһын түмүгэр сабыдыаллаабыт сүрүн уратынан хамсаабат баай эбийиэгин кадаастырын сыанатын быһаарыыны тупсарыы буолла.
Эбийиэги сыаналааһыҥҥа нолуогу түһэрии кээмэйэ ырыынак сыанатыттан улааппатын туһугар:
– сыаналааһыҥҥа сир учаастактарын билиҥҥи ырыынагын сыанатын быһаарар отчуоттары туһаннылар;
– кадаастыр сыанатын оросчуота биир кэлим судаарыстыбаннай реестргэ киирбит сирдэри түһүмэхтэринэн араарбакка учуоттаата.
Судаарыстыбаннай кадаастыр сыанабылын бигэргэммит түмүктэрин кытта https://cgko.sakha.gov.ru/otchety/ тэрилтэ саайтын “Утвержденные отчёты и акты” түһүмэҕэр киирэн сиһилии билсиэххитин сөп.
Хапытаалынай тутуу эбийиэктэрин кадаастырын сыанатын быһаарарга наадалаах иһитиннэриини хомуйар, мунньар туһугар тэрилтэ бу сыл бүтүөр диэри эбийиэктэр хаһаайыннарыттан анал халыыбынан толоруллубут (бу туһунан сиһилии иһитиннэрии http://cgko.sakha.gov.ru/ саайка баар) декларацияны тутар. Декларациялары Этот адрес электронной почты защищён от спам-ботов. У вас должен быть включен JavaScript для просмотра. электроннай почтаҕа ыытаргытыгар сүбэлииллэр.
“Кадастровай сыанабыл судаарыстыбаннай киинэ” СӨ бүддьүөт судаарыстыбаннай тэрилтэтэ (ГБУ РС (Я) “Центр государственной кадастровой оценки”). Аадырыһа: Дьокуускай к. Киров уул. 28, 4 этээс
Төлөпүөнэ: 8(4112) 60-71-31. Эл.почта: Этот адрес электронной почты защищён от спам-ботов. У вас должен быть включен JavaScript для просмотра.
Официальнай саайта: http://cgko.sakha.gov.ru.
