Киирии

Киирии

Ан-24, Ан-26, Ан-2 сөмөлүөттэри уонна Ми-8 бөртөлүөттэри былаан быһыытынан түһүмэхтэринэн устар туһунан боппуруоһу бүгүн бырабыыталыстыба бэрэссэдээтэлин быстах кэмҥэ солбуйааччы Владимир Солодов мунньаҕар кэпсэттилэр. Бу туһунан баһылык уонна бырабыыталыстыба пресс-сулууспата иһитиннэрэр.

“Бастатан туран, мунньах кыттыылаахтара салгын суудуналарын пааркатын саҥардыыны уонна эрэгийиэн иһинээҕи маршруттары дьүүллэстилэр. Күн-бүгүн өрөспүүбүлүкэҕэ көтөр 80 % салгын суудуналара 3-тэн тахса сыл сулууспалаабыттар. Саха сиригэр ити эргэ суудуналары – Ан-24, Ан-26, Ан-2 уонна Ми-8 түһүмэхтэринэн устар туһунан былааннаах үлэ барыаҕа”, - диэн пресс-сулууспа иһитиннэрэр.

Маны таһынан, мунньахха авиа тырааныспар сайдыытын ырыттылар. Ол курдук, улуустарга баар аэропортар балаһаларын чөлүгэр түһэриини, аэропортары саҥардыыга эрэгийиэн былаастара федеральнай киини кытары салгыы хайдах үлэлииллэрин, аччыгый уонна санитарнай авиация сайдыытын. Эрэгийиэннээҕи авиа-хампаанньалар үлэлэрин тупсарыыны уо.д.а. дьүүллэстилэр. Салгыы бу боппуруоһу Айсен Николаевы кытары сиһилии көрүөхтэрэ.

Тарҕат:

Ырытыыгын суруй

Защитный код
Обновить

Бүтэһик сонуннар