Киирии

Киирии

Ленскэй улууһугар “Витим-Пеледуй” айан суолун хапытаалынай өрөмүөнүгэр анаан 81 мөл. солк. көрдүлэр. Бу харчыны “Газпром добыча Ноябрьск” ХЭУо биэриэҕэ. Суол өрөмүөнүн атырдьах ыйыттан саҕалыахтара. Бу туһунан улуус дьаһалтата иһитиннэрэр.

“Биһиги аукцион биллэрбиппит. Сайаапкалары от ыйын 30 күнүгэр ылан бүтүөхпүт. Билиҥҥитэ номнуо үс тэрилтэ кыттарга бэлэм. Инньэ гынан тендер ыытыллар буолла. Ол кэннэ атырдьах ыйыттан суолу өрөмүөннээбитинэн барыахтара” , — диир улуус баһылыга Жумарт Абильманов.

Улуус икки улахан бөһүөлэктэрин холбуур суолу өрөмүөннүүргэ элбэх үлэ барыахтаах. Билигин “Витим-Пеледуй” трассаны улуус дьаһалтатын кытары дуогабардаах чааһынай тэрилтэ көрөр-истэр.

Тарҕат:

Ырытыыгын суруй

Защитный код
Обновить

Бүтэһик сонуннар