Киин куоракка дрифтердэр най барар, дьону утуппат кыһалҕалара турбута ыраатта. Чуолаан, Хомсомуол болуоссатын аттыгар олорооччулар эрэйи көрөллөр.
Олохтоохтор болуоссакка массыына киириитин тохтотору эбэтэр түүҥҥү ботуруулу тэрийэри туруорсубуттара. Манна пааркаҕа сынньана кэлэр дьон массыыналарын уурар, оттон ГИБДД түүнү быһа маныыр кыаҕа суох буолан, ити туруорсуу туолбатаҕа.
Былырыын Хомсомуол болуоссатын бас билэр «Саха сирин конгресс-киинэ» дрифтердэри тохтотор оҥоһуу оллурдары оҥорторуох буолбута, быһыыта, үптэн-харчыттан иҥнэн, олоххо киирбэтэх.
Соторутааҕыта СӨ Бырабыыталыстыбатын бэрэссэдээтэлин солбуйааччыта Сергей Местников Дьокуускай куорат Хомсомуол болуоссатын парковочнай зонатын саҥардар туһунан докумуоҥҥа илии баттаабыт сурахтаах. Ол чэрчитинэн, от ыйыгар үп киирдэ даҕаны, манна дьаамалары көннөрүүнү уонна дрифтердэри тохтотор тимир туорайдары эрийэн саҕалыахтара диэн «Саха сирин конгресс-киинэ» иһитиннэрэр. Оччоҕо бу түөлбэ олохтоохторо кэмниэ-кэнэҕэс киһилии утуйар буолуохтара.
Сонун төрдө: Комсомольская правда в Якутии
