Ыам ыйын ортотуттан ыттарын дьон сылдьар сиригэр ииктэтэн-саахтатан баран хомуйбатах дьону 5 тыһыынчаҕа тиийэ ыстарааптыыр буолуохтара.
Ол туһунан быһа эпииргэ СӨ ветеринарияҕа департаменын салайааччыта Петр Петров эппит: «Ыам ыйын 17 күнүттэн киирбит административнай эппитэтинэһинэн, ыты иитии ирдэбилин бастакы кэһии иһин 1-1,5 тыһыынчаҕа, оттон хаттаан кэһии иһин 3 - 5 тыһ. солк. тиийэ ыстарааптыахтарын сөп».
Боротокуолу толоруунан уонна ыстараабы түһэриинэн СӨ ветеринарияҕа департаменын олохтоох салаалаларын судаарыстыбаннай иниспиэктэрдэрэ дьарыктаныахтара үһү.
Кинилэр ону хайдах манаан тутан ылалларын киһи өйдөөбөт буолан баран, , ыттарын түбэһиэх сиргэ ииктэтэр-саахтатар куорат дьонун ыстарааптыыллара сөп дии саныыбыт. Маны сэргэ, дьон хаамар сиригэр силлиир-хаахтыыр дьону эмиэ ыстарааптыыллара буоллар, атахпыт аннын көрбөккө ыраас сиринэн хаамыах этэ.
