Томпо улууһа Илиҥҥи Саха сирэ сайдар саҕаҕын сүрүннүүр бырамыысалыннас сайдар киининэн буолуохтаах. Бу туһунан бүгүн Айсен Николаев улуус баһылыгын кытары социальнай-экэнэмиичэскэй сайдыыны торумнуур мунньахха эттэ. Кини билигин Томпо уонна Таатта улуустарыгар үлэлиир.
“Томпо улууһун 2032 сылга диэри социальнай-экэнэмиичэскэй сайдыытын тосхоло билигин оҥоһуллаары турар. Билиҥҥитэ ол тутах соҕус, ол гынан баран тосхол сүрүн силиһэ биллэр. Ол – улуус Саха сирин илиҥҥи өттүгэр бырамыысалынас сайдыытын киинэ буоларыгар сытар”, — диэтэ Айсен Сергеевич.
Кини эпитинэн, Томпо улууһугар Арассыыйа мастааптаах бөдөҥ сир баайын саппааһа баар. Онуоха бөдөҥ бырамыысалыннас тэрилтэлэрэ ону баһылыырга дураһыйаллар. Инньэ гынан, кинилэри улуус социальнай-экэнэмиичэскэй сайдыытыгар кытыарар наада. Томпо улууһа өрөспүүбүлүкэ күүскэ сайдыытыгар олугу ууруохтаах.
Улууска 153 кыһыл, үрүҥ көмүстэр, чох, хорҕолдьун, тимир, алтан, вольфрам саппаастара бааллар. Маны таһынан, кэнэҕэһин ньиэп уонна гаас сир баайдаах сири туһаҕа таһаарар кыах баар.
