Киирии

Киирии

Балаҕан ыйын 27 күнүгэр Удачнайга АЛРОСА Үөһээ Муунатааҕы сир баайдаах тэрилтэ үлэһиттэригэр анаан тутуллубут саҥа дьиэ Саха сирин Судаарыстыбаннаһын күнүн баттаһа үлэҕэ киирдэ. Аалай кыһыл лиэнтэни быһыылаах, саҥа дьиэ күлүүһүн туттарыылаах үөрүүлээх тэрээһиҥҥэ АЛРОСА хайаны байытар кэмбинээтин Удачнайдааҕы салалтатын уонна хапытаалынай тутуу управлениетын бэрэстэбиитэллэрэ кыттыыны ыллылар.

 

UdachniyDom2

-- Дьиэ Үөһээ Муунаҕа АЛРОСА саҥа сиригэр ыҥырыллан үлэлии кэлбит исписэлиистэргэ уонна пуойас суоппардарыгар анаан тутулунна. Үлэһиттэргэ үчүгэй усулуобуйаны тэрийэн, Удачнайга үрдүк таһымнаах исписэлиистэр кэлэллэрин хааччыйар соруктаахпыт, -- диир Удачнайдааҕы хайаны байытар кэмбинээт дириэктэрэ Александр Махрачев.

Саҥа дьиэ АЛРОСА олорор дьиэни тутууну үбүлээһин бырагырааматынан үлэҕэ киирдэ. Дьиэни тутууга уонна миэбэлинэн хааччыйыыга АЛРОСА 700 мөл.солк. ороскуоту көрүстэ.

– Сир баайа хостонор саҥа сирин үлэҕэ киллэрии курдук бэлиэ түгэҥҥэ АЛРОСА эппиэтинэстээхтик сыһыаннаһара хайҕаллаах. Онон кини эрэгийиэн олох-дьаһах, экэниэмикэ өттүнэн сайдыытыгар интэриэһин биллэрэр. Үөһээ Муунаҕа диэри саҥа суол оҥоһулунна, саҥа дьиэ тутулунна, ону таһынан үлэһиттэр үлэлииллэригэр табыгастаах усулуобуйа тэриллэригэр элбэх үлэ ыытыллар, -- диэн Удачнай куорат баһылыга Артур Приходько бэлиэтиир. Санатан эттэххэ, Удачнайга дьон олорор дьиэтэ 1998 сылтан тутулла илик этэ.

Дьиэ 13 кыбартыыралаах. Этиллибитин курдук, миэбэлинэн, тэлэбиисэринэн, халадыынньыгынан, сантиэхиньикэнэн толору хааччыллыбыт. Арассыыйаҕа оҥоһуллубут миэбэл талыллыбытын бэлиэтиир тоҕоостоох.

– Дьиэ аныгылыы бырайыагынан оҥоһулунна. Ол курдук, уу, уот көрдөрүүтэ дьиэ администраторын көмпүүтэригэр быһа киирэр. Удачнайга тутуллубут дьиэттэн уокка, истиэнэлэри сылытыыга саҥа ньымаларга ороскуот быдан чэпчэки буолуоҕа, -- диэн АЛРОСА Айхал-Удачнайдааҕы салаатын салайааччыта Александр Смирнов иһитиннэрэр.

Дьиэ олохтоохторо ый устата 100 бырыһыан оннуларын-олохторун булунуохтара.

Тарҕат:

Ырытыыгын суруй

Защитный код
Обновить