Киирии

Киирии

АЛРОСА гаастаах актыыбын атыылыыр аһаҕас аукцион түмүгүн биллэрдэ. Кыайыылааҕынан “НОВАТЭК” ПАО буолла. Бу хампаанньа “АЛРОСА” 30,3 млрд солк. икки лотун атыыласпыт Аукциоҥҥа “Статус” ХЭУо эмиэ кыттыбыт.

Аукциоҥҥа биир кэлим лот быһыытынан Maretiom Investments Limited уонна Velarion Investments Limited хампаанньалар 100% аахсыйалара атыыланнылар. Бу хампаанньалары “Геотрансгаз” АУо (100%) уонна устааптаах хапытаал өлүүтүн 100% “Уренгойдааҕы гаас хампаанньата” бас билэллэр. Бу аахсыйалары атыылыыр туһунан АЛРОСА Кэтээн көрөр сэбиэтэ өссө ааспыт сыл ахсынньы 22 күнүгэр быһаарбыта. Аукцион бастааҥы сыаната 30 млрд солк. тэҥнэспит. Атыы биир хардыыта 100 мөл. солк. сыаналаммыт.

АЛРОСА генеральнай дириэктэрэ Сергей Иванов “Аукцион түмүгүттэн астынныбыт. Атыыламмыт сыана биһиги сылыктааһыммытыгар уонна актыып ырыынакка сыанатыгар толору эппиэттэһэр. Хампаанньа профильнайа суох гаастаах актыыбын атыылаабыта үчүгэй. Өр кэм устата сөптөөх атыылаһааччы көстүбэккэ сылдьыбыта. Аны туран, атыыласпыт хампаанньа оҥорон таһаарыыга улахан уопуттаах, бэйэтин эйгэтин толору билэр, улахан суолталаах инвестор. Билигин хампаанньа бэйэтэ идэтийэр биисинэһигэр – алмааһы хостооһуҥҥа өссө улахан болҕомтону уурарыгар кыах бэриллэр”-, диэтэ.

“Геотрансгаз” уонна “Уренгойдааҕы гаас хампаанньата” лиссиэнсийэ усулуобуйатын быһыытынан, айылҕа гааһын уонна гаас конденсатын Ямал-ненец автономиялаах уокурук Береговой уонна Усть-Ямсовейскай учаастактарыгар хостуур.

Тарҕат:

Комментарии

Защитный код Обновить