АЛРОСА бөлөх тутаах хампаанньата «АЛРОСА» АХ (ПАО) 2018 сыл үс кыбаарталыгар буҕаалтыр отчуотун Арассыыйа ыстандаардынан (РСБУ) таһаарда.
Ол курдук, хампаанньа сыл инники тоҕус ыйыгар 183,3 млрд солк. киллэринэн, ааспыт сыл туһааннаах кэмигэр тэҥнээтэххэ, үбү киллэриниитин 20 млрд солк. куоһарбыт. О.э. үрдээһин 11% тахса. Барыс улаатарыгар биир бастакынан ювелирнай хаачыстыбалаах алмааска орто сыана үрдээбитэ уонна АХШ дуолларыгар сыһыаннаан солк. кууруһа түспүтэ дьайбыт.
АЛРОСА ыраас барыһа тохсунньу – балаҕан ыйдарга 72,8 млрд солк. тэҥнэһэн, сыл анараа өттүнээҕиттэн 21,7 млрд солк. эбэтэр бүтүн 42 %-ынан эбиллибит.
РСБУнан ааҕыы МСФОнан (манна үп отчуота норуоттар икки ардыларынааҕы ыстандаарынан ааҕыллар) ааҕыыттан улаханнык араастаһар. Алмаастаах хампаанньа үбүн туругун уонна үлэтин-хамнаһын туһунан иһитиннэрэр сүрүн төрүтүнэн, ону таһынан аахсыйалаахтарга дивидент төлөбүрүн ааҕан таһаарар төрүтүнэн МСФО отчуота эрэ билиниллэр. Оттон оннук, 3-с кыбаартал уонна 2018 сыл 9 ыйдааҕы МСФОнан отчуота бу дьыл сэтинньи 8 күнүгэр бэчээттиири былаанныыллар.
