Войти

Войти

Ил Дархан Өлүөнэни туоруур күргэни тутуу 60-65 млрд солк. сыаналаммытын туһунан сэрэдэҕэ “Ведомости” хаһыакка биэрбит интервьютугар иһитиннэрдэ.

Бу иннинэ күргэни тутуу 70-80 млрд солк. буолуо диэн иһитиннэрбиттэрэ.

“Барыллаан ааҕыы түмүгэр, Өлүөнэни туоруур күргэни тутуу быһа холоон 60-65 млрд солк. буолуо диэн сабаҕалыыбыт”, — диир Айсен Николаев. Кини этэринэн, күргэ бу сыанатын толуйарын туһунан дойду экэнэмиичэскэй сайдыытын министиэристибэтиттэн бигэргэтиини ылбытын эбэн эттэ.

“Күргэ тутуллар түгэнигэр, өрөспүүбүлүкэ бүддьүөтэ хотугу таһаөаһы быһа суолунан тиэрдиигэ сыл ахсын 3,5 млрд солк. экэниэмийэлиэҕэ. Маны таһынан, судаарыстыбаннай кыттыылаах хампаанньалар хотугу таһаҕаһы тиэрдиигэ ылар кирэдьиитэрин бырыһыанын төлөһөргө ороскуоттара кыччыаҕа. Уопсайа, бу хайысхаҕа сыл ахсын күргэ көмөтүнэн 6-7 млрд солк. кэмчилиэҕэ”, — диэн тоһоҕолоото.

Кини этэринэн, күргэ тутуутун болдьоҕун туһунан этэр билиҥҥитэ эрдэ, ол эрээри күүстээх үлэ ыытыллар. Билигин судаарыстыба харчынан өйөөтөҕүнэ, чааһынай омук хампаанньалара инвестиция угарга бэлэмнэрин биллэрдэ.

Тарҕат:

Добавить комментарий