Ил Дархан Айсен Николаев уонна “Росконгресс” Пуонда дириэктэрэ Александр Стуглев Петербурдааҕы норуоттар икки ардыларынааҕы экэниэмикэ пуорумугар (ПМЭФ) бииргэ үлэлэһэр туһунан Сөбүлэҥи түһэристилэр. Бу туһунан Ил Дархан уонна бырабыыталыстыба пресс-сулууспата иһитиннэрэр.
Сөбүлэҥҥэ өрүттэр бэйэ-бэйэлэригэр хардарыта сүбэ-ама бэрсэллэрин, пуорумнары, үлэ көрсүһүүлэрин тэрийиини (ол иигэр тас дойдуга эмиэ), быыстапкалыыр-дьаарбаҥкалыыр үлэни тупсарыыны киллэрбиттэр. Саха сирин бырабыыталыстыбата уонна “Росконгрес” бииргэ үлэлэһэн өрөспүүбүлүкэ инвестиционнай уонна экспердыыр кыаҕын үрдэтэргэ төһүү буолуоҕа. Маны таһынан өрөспүүбүлүкэ тас өттүгэр сессиялары тэрийэн социальнай-экэнэмиичэскэй кыаҕын үрдэтэргэ көмөлөөх буолуоҕа.
