Бэҕэһээ СӨ Бырабыыталыстыбатын бэрэссэдээтэлин бастакы солбуйааччы Алексей Колодезников Иркутскай куоракка Росморречфлот Эспиэртиир сэбиэтин Өлүөнэ бассейныгар уу тырааныспарын ырытар мунньаҕар кытынна. Тэрээһини муора уонна өрүс тырааныспарын федеральнай ааҕыныстыбатын салайааччытын солбуйааччы Виктор Вовк иилээн ыытта.
Алексей Колодезников дакылаатыгар быйыл Саха сирэ өрүс суолунан 3 мөл. т. таһаҕаһы тиэрдэр былааннааҕын иһитиннэрдэ. Ол иһигэр хаһаайыстыбалаах субъектар туһаналларыгар тыын суолталаах 1 150,4 тыһ. т. таһаҕаһы тиэйиэхтээхтэр диэтэ. Онтон тиэйии – 1 117,9 т, депонациялаах саппаас – 32,5 тыһ. т.
“Дойду бэрэсидьиэнэ Владимир Путин Хотугу муора суолун сайыннарыахха диэн эппитэ. Ааспыт сылга Хотугу муоранан 100 тыһ. т тахса таһаҕас тиэрдиллибитэ. Быйыл да оччо таһаҕаһы тиэрдиэхпит”, - диэн Колодезников иһитиннэрдэ.
