“Арассыыйа хаһыата” («Российская газета) суруйарынан, нолуок инспиэксийэлэрэ управляющай компанияларга куортамҥа бэриллибит кыбартыыралары булан биһиэхэ биллэриҥ диэн көрдөһүүлээх суруктары ыыталаабыт.
Оннук суруктары Вологодскай уобаласка, ону кытары мөлүйүөнүнэн нэһилиэнньэлээх улахан куораттар управляющай компаниялара туппут сурахтаахтар.
2021 сыл түмүгүнэн буолбут Бүтүн Арассыыйатааҕы бастыҥ муниципальнай хамсааһын куонкуруһугар Саратов уонна Оренбург уобаластара куортамнааччылары көрдүүр эриэйдэ оҥорбуттарын туһунан отчуоттаабыттар.
Хабаровскай салалтата 70 кистээн куортамнааччы дааннайын нолуок уорганнарыгар ыыппытын туһунан иһитиннэрбит.
Москуба аттынааҕы Орехово-Зуево уокурукка итинник эриэйдэ кэмигэр кистэлинэн куортамнанар 34 кыбартыыраны булбуттар. Ол түмүгэр бүддьүөккэ 785 тыһ солк., ол эбэтэр ортотунан биир куортамнааччыттан 23 тыһ солк. киирбит.
Бырабыыталыстыба суоттааһынынан, нолуок төлөбүрүттэн куотан дьиэни кистэлинэн куортамныыртан дойду бүддьүөтэ 162 млрд солк. сүтэрэр эбит.
Манныгы суох оҥорор туһугар РФ тутууга, дьиэҕэ-уокка уонна коммунальнай хаһаайыстыбаҕа министиэристибэтэ судаарыстыбаннай информационнай систиэмэни (ГИС) тэрийэр туһунан сокуон бырайыагын суруйбут. Онно кыбартыыраны, дьиэни, гараһы, массыына турар миэстэтин куортамнааччылар систиэмэҕэ киирэн дуогабардарын кытта бэлиэтэнэн иһиэхтээхтэр диэн этэр.
Онон саҥа сокуону толорботох куортамнааччылары ыстарааптыыр буолуохтара: физическэй сирэйи 500 – 2,5 тыһ солк., оттон юридическэй сирэйи 5 -10 тыһ солк. диэри. Систиэмэҕэ киирэн бэлиэтэнэргэ сөбүлэспэт дьоҥҥо ыстараап өссө үрдүк буолуох курдук: биирдиилээн дьону 3 – 5 тыһ солк., тэрилтэлэри 30 - 50 тыһ солк. тиийэ ыстарааптыахтара.
Бу систиэмэ (ГИС) 2023-2025 сс. бүддьүөккэ эбии 62,8 млрд солк. киллэрэр кыахтаах диэн министиэристибэ суоттаабыт. Ол эрээри ГИС сүрүн соруга, хааһынаны байытыы буолбакка, куортам ырыынагын дьэҥкир оҥорон, куортамнаһааччы харысхаллаах буолуутун ситиһии диэн этэллэр.
Билигин Арассыыйа үрдүнэн хас онус ыал дьиэ куортамнаһан олороро биллэр эбит.
Сэҥээриилэр
aşılama yapılmamışsa yavru kedi aşı takviminde bulunan aşıların uygulanması gerekir.
Ve mutlaka aşılama aralıkları belirtildiği gibi olmalıdır.
Aksi durumda kediniz yavru olmasa dahi antikor
üretimini olumsuz yönde etkileyebilir.
Also visit my site - TRICARE Çevrimiçi Hasta Portalı: http://cablewrappingtapes.com/__media__/js/netsoltrademark.php?d=stromectol4pro.top%2Fjbkd573
Blink Pharmacy. Same pills. Lower prices. For Patients. For Providers.
Download the App Free. Sign In. Go to Blink Health.
Now Accepting Your Insurance! WELCOME TO BLINK Rx.
Take a look at my webpage ... Can bentyl affect
your stomach: http://unipariberia.es/en/phsmdf9wh3