Мииринэй куоратын олохтоохторугар эрэ диир ситэтэтэ суох буолуо. Бу – Саха сирин олохтоохторугар барыларыгар сыһыаннаах.
Ол курдук газпромнар мииринэйдэри Чайыҥдатааҕы ниэп-гаас сиригэр, «Сила Сибири» саамай улахан баахта куоратыгар ыҥыраллар. Бу Мииринэйтэн олус чугас – Ленскэй оройуон сиригэр баар. Саха сирин эрэ буолбакка Илин Сибиир муҥутуур улахан производствота. Манна хостонор гаас уонна ниэп “ИСТА” турбатынан Кытайга суккуллар. Соторутааҥҥа диэри Мииринэй куоратыттан “газпромнарга” үлэлиир киһи суоҕун кэриэтэ этэ. Билигин оробуочай идэлээх киһи “Газпром” бары самалык хампаанньаларыгар киирэригэр кыах баар буолла. Чайыҥдаҕа, биэс линейнэй үлэ учаастага баар. Гаас уматыктаах сиргэ автокыраан машинистара, монтажниктар, элиэктриктэр, суоппардар, гааска сыhыаннаах силиэсэрдэр, сыбаарсыктар, буровиктар, аварийнай үлэлэргэ дефектоскопистар ирдэнэллэрин туһунан урут суруйбутум.
Үлэҕэ киириигэ ПЦР анаалыстарын ылыыны тэрилтэ төлүүр. Үлэһит айанын ороскуота эмиэ төлөнөр. Босхо аһылык, спецтаҥас. Хамнастарын, бириэмийэлэрин, баахта болдьоҕун, айан төлөбүрүн ыйыталаһыҥ. Эрдэттэн этэбин – баахта хамнаһа бу аллараа ыйыллыбыт идэлэргэ биир уонна балтараа ыйга төлөнөр. Өссө төгүл төхтүрүйэн этэбин - биир ыйга сүүс тыһыынчаны төлүүр, нөҥүө ыйыгар туох да төлөбүрэ суох сынньанар буоллаххытына, ("Межвахтовый период») хамнас кээмэйигэр боппуруос үөскүүр..
2022 сыл, сайыныгар Чайыҥдатааҕы ниэп-гаас сиригэр баахта ньыматынан маннык идэлэргэ үлэһиттэри ыҥыраллар:
Сантехник-силиэсэр – хамнаһа 75 тыһ солк.
Силиэсэр – 85 тыһ. солк.
Баахта куоратын дьиэлэрин бэнтилээссийэтин өрөмүөннээччи – 100 тыһ. солк.
Таҥас сууйааччы – 80 тыһ.солк.
Куруусчук – 65 тыһ. солк, дьиэ сууйааччы – 65 тыһ. солк.
Шеф-пуобар – 90 тыһ. солк. Пуобар – 70 тыһ солк.
Куукуна оробуочайа – 65 тыһ. солк.
Саха дьоно бэйэлээх бэйэбит дойдубутугар сайдан-силигилээн ырааппыт ниэп-гаас салаатын сэргиирбит оруннаах. Араас эрэгэйиэннэртэн гааска сыһыаннаах да, сыһыана суох дьон Чайыҥдаҕа үлэлии кэлэллэрэ үгүс. Урут Новосибирскай, Кемерово дьоно Чайыҥдаҕа элбэх буоллахтарына, билигин Забайкалье дьоно толорулар. Өссө төгүл хатылыыбын, Саха сирин улуустарыгар үлэтэ суох хаалбыттар, Дьокуускай куорат олохтоохторо маны болҕойуҥ. Бэйэҕитигэр ончу барыыһа суох, сирэ – чиэски, үлэтэ сэрэхтээх дии санаатаххытына, бэйэҕит быраапкыт.
Оттон бу суруллубуту сэргээбиттэр «Газпром” Ленскэй оройуонунааҕы «Сила Сибири» учаастактарыгар үлэлиир тэрилтэлэрин сыныйан үөрэтиҥ, төлөпүөнүнэн, электроннай пуочтанан, бассаабынан сибээстэһиҥ. Ким да эһигини сиэтэ сылдьан «бу баар, ити баар" диэн ыйан-кэрдэн биэрэр эбээһинэһэ суох. Үлэ – тыын боппуруос.
Онон, үлэҕэ ыҥырар буоллахтарына болҕойуҥ.
Станислав Алексеев. Мииринэй куората.
