Киирии

Киирии

РФ бэрэсидьиэнэ Владимир Путин ыйааҕынан, 2019 сыл дойду үрдүнэн Тыйаатыр сылынан   биллэрилиннэ.

Ахсынньы 13 күнүгэр А.С. Пушкин аатынан Нуучча  тыйаатырыгар, Тыйаатыр сылын арыйар СӨ Бырабыыталыстыбатын бэрэссэдээтэлин солбуйааччы Ольга Балабкина, СӨ култуураҕа уонна духуобунай  сайдыыга миниистирин бастакы солбуйааччы Владислав Левочкин, тыйаатыр дириэктэрэ Александр Лобанов кыттыылаах тэрээһин ыытылынна.

“Өрөспүүбүлүкэ үрдүнэн 11 идэлээх тыйаатыр уонна 53 норуоднай тыйаатыр баар. Үүнэр сыл олунньу ыйыгар Дьокуускайга,  бүтүн Арассыыйатааҕы тыйаатыр марафонун көрсүөхпүт. Бу дойду үрдүнэн ыытыллар бөдөҥ тэрээһин. Чуолаан Нуучча тыйаатыра ыалдьыттары көрсүө уонна эстафета палочкатын   кэлэр эрэгийиэҥҥэ туттарыа”, – диэн Владислав Левочкин эттэ.

Үүнэр тыйаатыр сылынан бары тыйаатырдар бастакы туруорууларын көрдөрүөхтэрэ. Ол курдук, Нуучча тыйаатырыгар Антон Чехов пьесатынан “Чайка” испэктээкил, Суорун Омоллоон аатынан Опера уонна Балет тыйаатырыгар композитор Шарля Адольфа Адана муусукатыгар “Корсар” балет, аҕыйах ахсааннаах норуоттар судаарыстыбаннай тыйаатырыгар Николай Лугинов “Кустук” сэһэнинэн “Преданность” испэктээкил туруоруохтара. Бу туһунан СӨ Бырабыыталыстыбатын пресс-сулууспата иһитиннэрэр.

Тарҕат:

Комментарии

Защитный код Обновить