“Култуура” национальнай бырайыак чэрчитинэн тыа сирин кулууптарын саҥардыыга уонна саҥа дьиэлэри тутууга 17 млрд солк тахса үп тыырыллыа. Бу туһунан дойду бэрэсидьиэнэ Владимир Путин Федеральнай мунньахха сылын аайы ыытар иһитиннэриитигэр эттэ.
Ону таһынан, дойду кыра куораттарыгар култуура кииннэрин сайыннарыыга 6 млрд солк тахса үп көрүллүө.
“Тыа сиригэр култуура эйгэтигэр дьиҥнээх энтузиаст дьон үлэлииллэр. Кинилэр кыраайы үөрэтиигэ, норуот айар үлэтигэр, устуоруйаҕа сыһыаннаах бырайыактарын олоххо киллэрэллэрин өйүүрү күүһүрдүөхтээхпит. Ону таһынан, бу хайысхаҕа Бэрэсидьиэн гранын пуондатыттан эбии үп көрүллүөхтээх”, — диэн Владимир Путин бэлиэтээтэ.
Кини этэринэн 2023 сылтан хойутааһына суох Калининград, Кемерова, Владивосток уонна Севастополь куораттарга култуурунай-үөрэтэр кииннэр үлэлиэхтэрэ. Манна бастыҥ түмэллэр, тыйаатырдар ону таһынан, култуура үрдүк үөрэх кыһаларын филиаллара баар буолуохтара. Үөрэх кэлэр сылтан саҕаланыа.
Олунньу 20 күнүгэр Владимир Путин дойду бэрэсидьиэнин дуоһунаһыгар олорон, Федеральнай мунньахха номнуо 15-с иһитиннэриитэ буолла.
