Киирии

Киирии

Муус устар 26 күнүгэр Намнааҕы педагогическай колледж иһинэн Ефим Шапошников аатынан уус-уран галереяҕа, “Кэрэ түгэннэрэ” диэн эдэр худуоһунньук Мира Аргунова айар быыстапката арыллар. Манна худуоһунньук саҥа үлэлэрэ туруохтара. Ордук мэтириэттэр уонна тиэмэлээх хартыыналар.

 Мира былырыын Валериан Васильев аатынан эдэр худуоһунньуктар өрөспүүбүлүкэтээҕи бириэмийэтин лауреатынан буолбута. Ону таһынан, “Волшебный фонарь” (Москуба) уонна “Арктический хронотоп” (Дьокуускай) диэн норуоттар икки ардыларынааҕы быыстапкаларга дипломунан наҕараадаламмыта. Билигин Арктикатааҕы култуура уонна ускуустуба институтугар үһүс кууруска “Станковая живопись” диэн идэҕэ үөрэнэр.

Мира оҕо эрдэҕиттэн уруһуйдуур. Кини үлэлэрэ 17 кинигэҕэ киирбитэ. “Мира АРТ” аккырыыккаларын үгүс дьон билэр буолуохтаах. Худуоһунньук ордук академическай живопиһы ордорор. “Кэрэ түгэннэр” быыстапкатыгар саха өс хоһоонугар олоҕуран айыллыбыт “Күлүккэр имнэн” уонна “Умса түстэҕинэ сүүһүттэн өйүүр, иттэнэ түстэҕинэ кэтэҕиттэн өйүүр” диэн ааттаах үлэлэрин туруорда. Ону таһынан, биллиилээх ырыаһыт Егор Васильев — Jeedda уонна хомусчут, поэт Надежда Варламова мэтириэттэрэ баар буолуоҕа. Уопсайа 30-ча үлэтэ дьон дьүүлүгэр тахсыа.

Тарҕат:

Комментарии

Защитный код Обновить

Бүтэһик сонуннар