Киирии

Киирии

СӨ «Сахабэчээт» государственнай автономнай тэрилтэ уонна «Далбар Хотун» сурунаал эрэдээксийэтэ, сурунаалбыт тэриллибитэ 25 сылыгар анаан куйаар ситимин (интернет) нөҥүө «Далбар Хотун» өрөспүүбүлүкэтээҕи I күрэһи тэрийэн ыыттыбыт.

Ааан бастаан «Sakha-pechat.ru» тэриллибит күрэспит дьон-сэргэ, ааҕааччыларбыт болҕомтотун тарта. Күрэс атырдьах ыйын 15 күнүгэр сарсыарда 9 чааска саҕаланан баран, атырдьахыйын 25 күнүгэр, киэһэ 9 чааска түмүктэннэ.

Күрэс балаһыанньатын быһыытынан, дьүүллүүр сүбэ кыттарга баҕаларын биллэрбит 12 кыттааччыттан 7 киһини куйаар ситимин нөҥүө күрэскэ кыттар түһүмэххэ таһаарбыта. Күрэс сайт нөҥүө ыытыллыбытынан, тэтимэ ураты күүстээх, түһүүлээх тахсыылаах, сороҕор тыҥааһыннаах да буолбутун кэтээн көрбүт дьон, «ыалдьааччылар» билэ-көрө олордулар.Ол курдук күрэс түмүктэнэр атырдьах ыйын 25 күнүгэр сайтка 25000 киһи сылдьыбыта бэлиэтэннэ.

«ДалбарХотун» сурунаал аан бастаан ыыппыт куйаар ситимин нөҥүө күрэһин өйөөн, өрөспүүбүлүкэбит улуустарыттан кыттыбыт далбар хотуттарбытыгар бука барыларыгар истиҥ махталбытын тиэрдэбит.

Кинилэр Нам улууһун Хамаҕаттатыттан Аманатова Мария Николаевна, Эдьигээнтэн Винокурова Тамара Васильевна, Чурапчы улууһун Уһун Күөлүттэн Ноговицына Боя Семеновна, Таатта улууһун Ытык Күөлүттэн Павлова Галина Лукинична, Мэҥэ-Хаҥалас Хорообутуттан Семенова Татьяна Коммунаровна, Горнай Бэрдьигэстээҕиттэн Осипова Полина Прокопьевна, Үөһээ Бүлүүттэн Павлова Дария Николаевна бэйэлэрин тула улуустааҕы дьахталлар түмсүүлэрин, общественнай тэрилтэлэри, ырааҕынан чугаһынан тэлэһийэн олорор уруу-аймах дьоннорун, доҕотторун, ыччаттарын күүскэ түмэн куоластааһыҥҥа көхтөөхтүк кытыннылар.

Кыайыылааҕы сайтка анаан туруоруллубут программа ааҕан таһаарда. Биллэрин курдук, күрэс саҕаланыаҕыттан, икки кыттааччы Үөһээ Бүлүүттэн Дария Павлова, Намтан Мария Аманатова, этэргэ дылы, эрбии биитин курдук күүскэ киирсибиттэрэ. Хара бастакыттан ордук элбэх куоластаах испит Дария Павлованы Мария Аманатова ситэн ылар түгэннэрэ тахсан кэлэн күрэс тыҥааһына, күүрээнэ улааттар улаатан испитэ.Куоластааһын бүтэһик сөкүүндэлэригэр, Дария Павловаҕа 8998, Мария Аманатоваҕа 8981 куолас ааҕыллан Үөһээ Бүлүүттэн кыттыбыт Дария Николаевна Павлова «ДалбарХотун»  куйаар ситимин нөҥүө өрөспүүбүлүкэтээҕи I күрэс кыайыылааҕынан буолла!

Күрэс атын кыттыылаахтара Боя Ноговицына 4423, Полина Осипова 3718, Галина Павлова 2532, Татьяна Семенова 1994, Тамара Винокурова 696 куоластаахтар.

Кыайыылаахпыт туһунан, кылгастык билиһиннэрэр буоллахха, Дария Николаевна Үөһээ Бүлүү сэлиэнньэтигэр олорор, улуустааҕы киин библиотекаҕа үлэлиир. Үс оҕолоох, биэс сиэннээх саха ыалын далбар хотун ийэтэ. Тыа сиригэр олорор ыал хаһаайкатын быһыытынан бааһынай хаһаайыстыбаны тутар, тустаах үлэтин таһынан айар, суруйар, тэрийэр эйгэ дьаһалларыгар көхтөөхтүк кыттар киэҥ ыырдаах общественница. Куйаар ситимин нөҥүө «Далбар Хотун» бастакы күрэс кыайыылааҕын истиҥник эҕэрдэлиибит!

ulus.media/

Тарҕат:

Комментарии

Shawn
0 Shawn 17.09.2019 22:32
i http://cialisles.com/ cialisles.com; obviously how to get cialis
from doctor cialis 20mg and tadalafil 20 mg
best price
Ответить

Защитный код Обновить