Войти

Войти

Алтынньы 4-13 күннэригэр Саха циркэтин дьиэтигэр “Мамонтёнок-2019” VI норуоттар икки ардыларынааҕы бэстибээл буолуоҕа. Манна дойду эрэгийиэннэриттэн уонна Арменияттан, Вьетнамтан, Израилтан, Казахстантан, Колумбияттан, Монакоттан бастыҥ циркэ артыыстара кэлиэхтэрэ.

Быйылгы бэстибээл уратыта диэн, артыыстар саастарыгар хааччахтааһын суох буолла. Өскөтүн урут ордук оҕолор уонна ыччат кыттар эбит буоллаҕына, быйыл профессиональнай нүөмэрдээх артыыстар кытталлара күүтүллэр.

Алтынньы 4-5 күннэригэр конкурснай нүөмэрдэри көрдөрүөхтэрэ. Манна 30-ча нүөмэр кыттара былааннанар. Олортон оҕолор түөрт нүөмэри көрдөрүөхтэрэ. Оттон саха артыыстара алта нүөмэрдээхтэр: ат үрдүгэр жонглердааһын, “Силовой тинвар” акробатика уонна “каучук”. Ону таһынан, табалар, аттар уонна маламут, хаски боруодалаах ыттар кыттыахтара.

Алтынньы 6 күнүгэр үбүлүөйдээх киэһэ буолар. Манна саха циркэтин артыыстара ыалдьыттарга бэйэлэрин нүөмэрдэрин көрдөрүөхтэрэ.

Оттон алтынньы 9-13 күннэригэр кыайыылаахтар гала-кэнсиэрдэрэ буолуоҕа. Билиэт сыаната 500-800 солк.

Тарҕат:

Добавить комментарий

Бүтэһик сонуннар