Киирии

Киирии

Кулун тутар 27 күнэ – Аан дойдуга театр күнэ. Саха сиригэр хайа да национальнай эрэгийиэннээҕэр саамай сайдыбыт, баай устуоруйалаах, аан дойдуга киэҥник биллэр театрдар бааллар.

Саха сиригэр аан бастакы идэтийбит театр өссө 1891 сылтан силис тардар. Ити сыл драма ускуустубатын таптааччылар уопсастыбалара тэриллибитэ. Өссө өрөбөлүүссүйэ инниттэн саха норуотугар театр бэрт киэҥ биһирэбили ылбыта. 1925 сыллаахха, алтынньы 25 күнүгэр “Саха омук” уопсастыба актыбыыстарыттан турар Норуодунай театр театральнай сезону арыйбыта. Ити кэмтэн ыла, Саха сиригэр театр ускуустубата сайдан барбыта.

артисты первого любительского театра в якутске 1890 е гг

в шекспир король лир король лир е степанов корделия и никифорова

о абрамова и и мясоедов в лебедином озере 1999 г

спектакль олонхо кыыс дэбилийэ

Күн бүгүн Саха сиригэр Былатыан Ойуунускай аатынан Саха академическай театра, А.С.Пушкин аатынан Нуучча академическай драмтеатра, Суорун Омоллоон аатынан Саха опера уонна балет театра, Олоҥхо театра, Кыыл Уолун аатынан Үҥкүү театра, Үүнэр көлүөнэ театра, Хотугу аҕыйах ахсааннаах норуоттар театрдара, Эстрада театра, Ньурбатааҕы судаарыстыбаннай көһө сылдьар театр, Нерюнгритааҕы куукула театра улуустарга норуодунай театрдар култуурунай олоҕу сирдииллэр.

режиссер андрей борисов 1986 г

репетиция театра перед отъездом в башкирию

спектакль желанный голубой берег мой кириск е степанов мылгун г васильев эмрайин x сметанин орган м апросимов

фойе театра

Саха сирин театрдара аар саарга аатыраллар. Ханна да тиийдэхтэринэ саала иһэ мэлдьи тобус-толору буолар.

Кулун тутар 29 күнүгэр Олоҥхо театра “Кыһыл көмүс мааска” театральнай бэстибээлгэ Москубатааҕы Пушкин аатынан театр сыанатыгар “Дьырыбына Дьырылыатта” (режиссер Матрена Корнилова) испэктээкили туруоруоҕа.

021c8921e5bedc4b7b70b2cbf4f8f65e

Театр ускуустубатын иилии, сайыннара сылдьар идэлээх дьону, театры таптааччылары бүгүҥҥү дьоро күнүнэн эҕэрдэлиибит!

Тарҕат:

Комментарии

Защитный код Обновить