Киирии

Киирии

Арассыыйаҕа тыйаатыр Сылын (2019) тэрийэр кэмитиэт Андрей Борисов тыйаатыр марафонун туһунан этиитин өйөөтө.

андрей Б

Москубаҕа буолбут тэрийэр кэмитиэт иккис мунньаҕар, 2019 сыллааҕы бырагыраамаҕа бүтүн Арассыыйатааҕы тыйаатыр марафона киирбитин туһунан этилиннэ. Улахан хабааннаах тэрээһин Арассыыйа хас биирдии өрөгүйүөнүн хабыаҕа. Ол курдук, марафон кэлэр сыл сааһыгар Владивосток куораттан саҕаланыа уонна сэтинньи ыйга Калининград куоракка түмүктэниэ. Бырайыак туһунан этиини саха режиссёра Андрей Борисов киллэрдэ диэн СӨ Ил Дарханын уонна Бырабыыталыстыбатын пресс-сулууспата иһитиннэрэр.

Бүтүн Арассыыйатааҕы тыйаатыр марафонугар барыта   85 өрөгүйүөнтэн 100-тэн тахса тыйаатыр кыттыаҕа: драматическай, мусукаалынай уонна оҕо тыйаатырдара.

Санатан эттэххэ, АФ Бэрэсидьиэнин укааһынан 2019 сыл тыйаатыр Сылынан биллэриллибитэ.

Тарҕат:

Ырытыыгын суруй

Защитный код
Обновить

Бүтэһик сонуннар