Киирии

Киирии

«Алмаас» култуура дыбарыаhын саалатыгар, саха ырыатын өрө тутар, киэҥ эйгэҕэ көччөх гынан көтүтэр «Иэйии» ансаамбыл 25 сылын туолуутугар анаммыт дьоро киэhэ олус иhирэхтик, кэрэхсэбиллээхтик ааста.

Ieyii

«Иэйии» ансаамбыл кыттыылаахтара – араас эйгэ үлэhиттэрэ. Кинилэр – олохтоох дьаhалта, бырамыысыланнас тэрилтэлэрин үлэhиттэрэ, урбаанньыттар, педагогтар.Үйэ чиэппэрин устата араас омук тоҕуоруһан олорор куоратыгар саха уран айымньытын билиһиннэрэллэр, киэҥ эйгэҕэ таһаараллар.Үбүлүөйдээх дьоро киэhэ саха намчы ырыатыгар сүгүрүйүү бэлиэтинэн буолла да диэтэхпинэ, улахан омуннааһын буолбата буолуо.

Ieyii2

Саха ырыатын сайыннарыыга ис сүрэҕиттэн ылсан дьарыктанар Тамара Рыбникова киэҥ далааһыннаах үлэтин мустубут дьон сөҕө-махтайа биhирээтибит.

Ieyii3

Кэнсиэри «Кустук» норуот ансаамбыла, «Арчы» бэтэрээннэр кулууптара, «Алмазы Якутии» балет, «Сударушка», «Дивертисмент» уус-уран кэлэктииптэр киэргэттилэр.

KanN

Ieyii5

Бырааттыы Архиповтар киhи этин сааhынан киирэрдик ыллаан-туойан, үгүс уйан сүрэҕи манньыттылар.

A Arhipov

Дьоро киэhэҕэ Анна Семенова, Туйаара Калининская нарын ырыаларын бэлэхтээтилэр.

A Danilova

Алмаастаах кыраай киэн туттуута - «Иэйии» ансаамбыл сахалыы нарын ырыаларынан бар дьон кутун тутта.

Ieyii4

«Иэйиилэр» биhирэм киэhэлэригэр сылдьан, дьон бэркэ диэн сэргэхсийдэ.                    

Станислав Алексеев, Мииринэй куората.

Ааптар хаартыскалара.

Тарҕат:

Ырытыыгын суруй

Защитный код
Обновить

Бүтэһик сонуннар