Саха эстрадатын сайыннарар соруктаах «Туой-Хайа» ырыа күрэһэ - Мииринэй эрэ буолбакка, Өрөспүүбүлүкэ уус-уран эйгэтин сүдү тэрээһинэ. 90-с сыллар саҥаларыгар, эстрада эдэр талааннарын күрэһэ «Чуона» диэн аатынан биллэрэ.
Бу күрэһи, бастакынан иилээбит-саҕалаабыт Валерий Евсеевы ахтан ааһар сиэрдээх буолуоҕа. Валерий Лукич Евсеев, бэйэтэ Туой-Хайаттан кииннээх-хааннаах киһи этэ. Кини бу дойдуттан ыарахан ыарыыттан суох буолбута.
«Туой-Хайа» эстрада күрэһэ сайдарыгар «Новай» сопхуос оччотооҕу дириэктэрэ Спартак Андреев, “Алмаас” култуура уораҕайын саха салаатын сүрүннээччилэрэ Ульяна Миронова, Анатолий Филиппов (Биһиги кэккэбитигэр суох), «Туой-Хайа» култуура дьиэтиттэн – Светлана Неустроева, КСК салайааччылара – Георгий Юст, Александр Сердюк бэйэлэрин кылааттарын киллэрсибиттэрэ.
Эдэр талааннар күрэстэрин Дьүүллүүр Сүбэтин саха норуотун ырыатын Дархана - Аркадий Алексеев иилээн-саҕалаан, дьоһуннаах сүбэлэри тосхоппута.
Бу ырыа күрэһиттэн сахабыт эстрадатын «сулустара» - Сиэйэ Уола, Ангелина Файрушина, Тамара Попова, Ника, Лэгэнтэй, Умсуура Ченянова, Иннокентий Лебедев, Альберт Унаров, Леон үүнэннэр, саха эстрадатын биллэ сэргэхсиппиттэрэ, киэргэппиттэрэ.
2000 сыллааҕы «Туой-Хайа» фестивальга Дьааҥы уола Кеша Васильев-Лэгэнтэй Гран-При ылан, массыына бириискэ тиксибитэ. Туох да диэ, биһиги Мииринэйбититтэн үгүс талааннаах ырыаһыт дойдутугар «өттүк харалаах», аатыран-сураҕыран эргиллибитэ. Массыына, бирилийээн, күндү нуорка сон, сыаналаах көмпүүтэр, харчынан балысхан бириэмийэ! Ханна да маннык суох! Бу да сырыыга, «АЛРОСА» КСКтын саҕалааһынынан ыытыллыахтаах тэрээһин, ырыа күрэһин кыайыылааҕар ботуччу бириис көрүөҕэ.
Былырыын, «Туой-Хайа-2021» эстрада күрэһин кыайыылааҕа – Төҥүлүттэн сылдьар Инна Донская 200 тыһыынча солк. уу харчынан наҕараадаламмыта.
Дьэ, итиэннэ, 2022 сыллааҕы үбүлүөйдээх фестиваль хаһан, ханна ыытылларый? Бастакы түһүмэх Арыылаахха, кулун тутар 26 күнүгэр “Туой-Хайа” култуура Дьиэтигэр, оттон гала-кэнсиэрт, кулун тутар 27 күнүгэр Мииринэй куоратыгар, «Алмаас» култуура дыбарыаһыгар ыытыллыахтара. Манна кыттыахтаах 18-25 саастаах ыччаттарга тохсунньу 20 күнүттэн ыла электроннай ньыманан анкета толорторон ыыттара олороллор.
Оттон 8-тан 17-гэр диэри саастаах ырыаһыттарга, фестиваль кэнсиэрэ, бэс ыйын саҥатыгар Оҕо көмүскэлин күнүгэр ыытыллыаҕа.
Ити курдук, мантан саас, биһигини «Туой Хайа» курдук чаҕылхай ырыа-тойук биһирэмэ күүтэр.
Станислав Алексеев. Мииринэй куорат. Урукку ырыа күрэстэриттэн ааптар хаартыскалара.
Сэҥээриилэр
from somewhere? A design like yours with a few simple tweeks would really make my blog stand out.
Please let me know where you got your theme. Thanks a lot
Here is my web site Diabetic neuropathy socks: https://healthy-lifestylehub.blogspot.com/2023/03/the-best-diabetic-socks-for-neuropathy.html
What's the best way to obtain Metformin without a pesky prescription getting in the way?
Diabetes medication without a doctor's prescription
Also visit my web blog; Cheapest
place to get Farxiga: https://supervision.nfe.go.th/lib/index.php?name=webboard&file=read&id=6487
fate didn't happened in advance! I bookmarked it.
Feel free to visit my page :: Yoga Mat Set: https://consuelovita.it/discover-the-ultimate-yoga-experience-with-the-nolava-7-piece-yoga-mat-set