Ыытыллара үгэскэ кубулуйбут өрөспүүбүлүкэ таһымнаах “Туой Хайа – 2023” бэстибээл-куонкурустарыгар кыттыан баҕалаах 8-17 саастаах оҕолортон сайаапкалары олунньу 8 күнүттэн саҕалаан, бу дьыл олунньу 22 күнүгэр диэри туталлар.
“Туой Хайа” эстрада ырыатын бэстибээлигэр урут улахан дьон эрэ кыттар эбит буоллахтарына, тэрийээччилэр үс сыллааҕыттан бэттэх эбии бөлөҕү аһан, оҕолорго туһунан күрэхтэһиини тэрийэр буолбуттара. Быйыл да оннук.
Куонкуруска, өйдөөбүккүт курдук, 8 сааһыттан 17 сааһыгар диэри оҕолор кытталлар. Сүрүн бириис – 100 тыһ. солк!
Былырыын бэстибээл оҕолорго анаммыт күрэһигэр өрөспүүбүлүкэ араас муннуктарыттан 94 оҕо кыттыбыта. Кинилэртэн Гран-прини ылар чиэс Дьокуускайтан Сайаана Неустроеваҕа (салайааччыта Станислав Олесов) тиксибитэ.
Тэрийээччилэр бэлиэтииллэринэн, дьүүллүүр сүбэ кыраҕы хараҕын көрүүтүттэн биир да эдэркээн талаан мүччү көппөт. Ырыаһыт ис кыаҕын, талаанын сыныйан көрөллөр-истэллэр. Быйылгы дьүүллүүр сүбэ бэрэссэдээтэлинэн Саха эстрадатын чаҕылхай сулуһа, Саха сирин үтүөлээх артыыһа Байбал Сэмэнэп буолара быһаарыллыбыт. Ону тэҥэ Антон Иванов, Дария Лаврова, Ай-Куота Степанова уонна Роза Раянова бааллар.
Куонкурус-бэстибээлгэ саха эстрадатын ырыатын толорор соҕотох ырыаһыт, дуэт, трио, ону тэҥэ кэлэктиибинэн да кыттыахха сөп.
Ырыаны таптыыр, ыллыыр талааннаах, куоластаах оҕолор, сулус буола сандаара умайар тоҕоостоох түгэни мүлчү тутумаҥ, кыттыҥ, холонуҥ!
Сайаапкалары Этот адрес электронной почты защищён от спам-ботов. У вас должен быть включен JavaScript для просмотра. элэктэриэн буостаҕа олунньу 22 күнүгэр диэри туталлар. Сиһилии иһитиннэриини АЛРОСА КСК официальнай саайтыттан https://ksk.alrosa.ru/events/14/799/ билсиҥ.
“Туой Хайа – 2023” бэстибээл-куонкуруһу тэрийэр кэмитиэт
