Чурапчы улууһун Одьулуун сэлиэнньэтигэр Чурапчытааҕы аграрнай-техническэй колледж устудьуоннара аҕалара байыаннай хомуурга барбыт дьиэ кэргэттэргэ кэлэн көмөлөһөн барбыттар. Уолаттар пилораматтан оттор мас тиэйбиттэр, хайыппыттар, кыстаабыттар, муус ылан аҕалбыттар, хаар күрпүттэр.
“Бары бииргэ” региональнай ыстаап салайааччыта Айыллаан Винокуров иһитиннэрбитинэн, билигин өрөспүүбүлүкэ үрдүнэн 250 волонтёр баар. Ыстаап сааалалара өрөспүүбүлүкэ бары улуустарыгар тэриллибиттэр. Көмөнү оҥорууга сайаапкалары 122 нүөмэринэн «6», «1» онтон кунуопканы баттаан биэриэххэ сөп.
