Аан дойдутааҕы Дьахтар күнүн көрсө ыытыллыбыт ыйытыкка саамай ураты бэлэхтэри талыыга дьиэ үүнээйитэ уонна дьиэ харамайа бастаабыт. Ыйытыгы үрдүк хамнастаах үлэни буларга көмөлөһөр SuperJob тэрилтэ ыыппыт. Манна Дьокуускайга олорор кыргыттар уонна дьахталлар кыттыбыттар.
Үгэс курдук бэлэхтэнэр сибэкки ураты бэлэх ахсааныгар эр киһи көһүппэтэх өттүттэн бэлэхтиир эбэтэр сэдэх сибэкки буоллаҕына эрэ киирэр эбит. Ол да буоллар, дьахтар 12%-на кулун тутар 8 күнүгэр сибэкки дьөрбөтүн эбэтэр дьиэ сибэккитин ураты бэлэх ахсааныгар киллэрбит. Дьахтар 9%-на дьиэ харамайын умнуллубат бэлэх быһыытынан сыаналаабыт. 6% соһуччу бэлэҕинэн симэх, ол-бу дьарыктарга туттуллар сэртипикээт, тас таҥас уонна атах таҥаһа курдук бэлэхтэри ааттаабыт. 4% иһити уонна дьиэ тиэхиньикэтиттэн соһуйар эбит.
Маны таһынан, дьахталлар дьикти бэлэхтэргэ компаһы, массыына сайыҥҥы эрэһиинэтин, балыксыт наборун, ырыаны, сүүйүлээх билиэти, будильнигы, кумах чаһытын уонна тыыннаах лыахтары киллэрбиттэр.
Сонун төрдө: SuperJob
