СӨ Быыһыыр сулууспатын Тааттатааҕы көрдүүр-быыһыыр этэрээтин үлэһиттэрэ муус устар 2 күнүттэн «Халыма» федеральнай суолга хаар халҕаһа сиҥнэн түһэр кутталлаах учаастагар үлэлии сылдьаллар.
Муус устар 4 күнүгэр суол биир учаастагар үөһэттэн хаар халҕаһа сиҥнэн түспүт. Быһааччылар Тополиное сэлиэнньэ диэки барыыга 38, онтон кэлиигэ 29 массыына тохтоон турарыгар тиийбиттэр. Кинилэр сылаас чэйгэ, аска, уматыкка наадыйааччыларга көмөлөспүттэр. Этэрээт салайааччыта Павел Попов иһитиннэрбитинэн, Тикси бөһүөлэгин олохтооҕун Теплай Ключ бөһүөлэгэр ыыппыттар.
«Бүлүү» управление дааннайынан, бу учаастакка нэдиэлэ устата хаар халҕаһа аҕыста сиҥнэн түспүт. Быыһыыр сулууспа ыксаллаах быһыыга-майгыга тута 112 эбэтэр (4112) 45-90-19 нүөмэрдэргэ эрийэр буолуҥ диэн санатар.
Сонун төрдө: СӨ Быыһыыр сулууспатын пресс-сулууспата
