Күндү Саха сирин олохтоохторо!
Саха Өрөспүүбүлүкэтин салалтатын аатыттан эһигини Оҕо көмүскэлин күнүнэн ис сүрэхпиттэн эҕэрдэлиибин!
Бу сырдык, кэрэ бырааһынньыгы сайыммыт бастакы күнүгэр, оҕолорбут уһун сынньалаҥҥа барыыларын саҕана, саҥаны арыйыы, мүлчүргэннээх сырыылар уонна чаҕылхай өйдөбүллэр үөскүүр кэмнэригэр бэлиэтиирбит тоҕоостоох.
Саха сирэ элбэх оҕолоох дьиэ кэргэттэринэн биллэр. Кыһамньыга уонна тапталга оҕолорбутун улаатыннарыы – бу инникигэ тирэх. Мин төрөппүттэргэ оҕолорун үтүөнү оҥорорго, үлэлииргэ, дойдуну таптыырга, тулалыыр эйгэни билэргэ, олохтон дуоһуйарга уһуйалларын, талааннарын арыйалларын, кинилэр ситиһиилэриттэн үөрэллэрин иһин махтанабын.
Биһиги дойдуга оҕо төрөөһүнүнэн сэттис көрдөрүүлээхпит, Уһук Илиҥҥэ бастакы миэстэҕэ сылдьабыт.
Судаарыстыба, уопсастыба уонна дьиэ кэргэн кыһамньыта – дьоллоох оҕо саас. Ол инниттэн биһиги оскуолалары уонна уһуйааннары, култуура уонна успуорт дыбарыастарын тутабыт. Эбии үөрэхтээһин кииннэрэ үлэлииллэр, оҕолор духуобунай уонна өй-билии өттүнэн таһымнара үрдүүрүгэр бары усулуобуйа тэриллэр, ийэ буолуу харыстабылыгар уонна оҕо көмүскэлигэр бырайыактар олоххо киирэллэр. Оҕолорго уонна кинилэр төрөппүттэригэр социальнай өйөбүл – оҕону иитэ ылбыт төрөппүттэргэ төлөбүр, 8-тан 17-гэр диэри саастаах оҕоҕо ыйдааҕы төлөбүр улаатар, элбэх оҕолоохторго култуура уонна успуорт тэрилтэлэрин өҥөлөрүгэр чэпчэтии оҥоһуллар.
Саха АССР 100 сылыгар өрөспүүбүлүкэҕэ Ийэ сылын биллэрбиппит. Ааспыт сыл устата төрөөбүт оҕолорго «Үйэ оҕолоро» диэн 100 тыһ. солк. суумалаах тус сыаллаах хапытаал олохтоммута. Быйыл мин бу хапытаал болдьоҕун өссө биэс сылга уһаттым. 2023 сыл бэс ыйын 1 күнүгэр маннык хапытаалынан туһанарга 13 837 быһаарыы ылылынна.
Биһиэхэ хас биирдии оҕо күндү. Ол эрээри бүгүн ураты болҕомтону Аҕа дойдуну көмүскээччилэр – байыаннай дьайыыга кыттааччылар оҕолоругар уурабыт. Кинилэр оскуолаҕа босхо аһынан хааччыллаллар, уһуйааҥҥа сылдьар төлөбүрдэриттэн босхолоноллор, эбии истипиэндийэ төлөнөр, орто анал уонна үрдүк үөрэххэ киирэргэ тус сыаллаах миэстэ көрүллэр, сайыҥҥы сынньалаҥ уонна чэбдигирдии тэриллэр. Байыастарбыт биллиннэр – кинилэр оҕолоругар уонна дьиэ кэргэннэригэр биһиги кыһанабыт.
Биһиги оҕолорбут улааталларын, кинилэргэ үгүс суол арылларын, үтүө дьон буолалларын көрүү – улахан дьол.
Күндү оҕолор! Эһиги баҕа санааҕыт барыта туоллун! Өрөспүүбүлүкэ олохтоохторугар чэгиэн туругу, эйэни уонна бары үтүөнү баҕарабын. Эһиги дьиэлэргит оҕо аймах саҥатынан өрүүтүн туоллуннар, оттон оҕолор ситиһиилэринэн мэлдьи үөртүннэр!
Саха Өрөспүүбүлүкэтин Ил Дархана Айсен Николаев
Сэҥээриилэр
Ищо
ссылочный вес сайта
Русские интересные новости 0a9a51e
@tru
Однако отыскать «доблестную труд» сверху нынешнем состязательном базаре вещицы может быть непросто, экстренно в течение державах немного высоким ватерпасом безработицы чи ограниченными возможностями.
Чтоб увеличить свои шансы отыскать «достойную произведение», соискатели могут выбрать разговаривать раз-два специалистами в течение близкой мире, увеличивать собственные способности равным образом квалификацию чрез создания также
обучения, а также искать работодателей, какие уделяют первостепенное внимание догадка равным образом благосостоянию сотрудников.
ркс вакансии
вакансии пойковский a9a51e5