Өрөспүүбүлүкэҕэ нэһилиэнньэ дьарыктаах буолуутун киинин дириэктэрэ Роза Олесова иһитиннэрбитинэн, сулууспаларга үлэ көрдөөн анал байыаннай дьайыы 44 кыттыылааҕа тиийбит. Олортон 12 киһи үлэнэн хааччыллыбыт. Дьиэ кэргэннэриттэн 79 киһи тиийбиттэн 30 киһиэхэ үлэ буларга көмөлөспүттэр.
«Билигин учуокка анал байыаннай дьайыы 26 кыттыылааҕа уонна 41 дьиэ кэргэн киһитэ турар. Балартан үгүс өттө «B категориялаах суоппар», «С категориялаах суоппар», «погрузчик суоппара», «экскаватор машиниһа», «слесарь», «буҕаалтыр учуота», «кассир» уонна «алын иитээччи» диэн араас идэлэргэ үөрэнэ сылдьар», — диэн Роза Олесова кэпсээтэ.
Бэйэ кэр.
