Өрөспүүбүлүкэ Ил Дархана Айсен Николаев бэйэтин телеграм-ханаалыгар биллэрбитинэн, бэс ыйын 19 күнүгэр анал байыаннай эпэрээссийэ ыытыллар сиригэр тиийэн үлэлии сылдьар. Ол курдук, кини Саха сириттэн сылдьар Аҕа дойду көмүскээччилэрин кытта көрүстэ.
Билэргит курдук, билигин Украина сэриилэрэ кимэн киирэ, биһиги оборуонабытын тоҕо көтө сатыы сылдьаллар. Онон өрөспүүбүлүкэ Ил Дархана тиийэн Саха сириттэн сылдьар байыастары кытта көрсөрө уолаттар санааларын көтөҕөр, бойобуой туруктарын күүһүрдэр.
Айсен Николаев: “Байыаннай дьайыылар бара турар сирдэригэр бара сылдьан, хас да биһиги дьоммут сулууспалыыр чаастарыгар сырыттым. Байыастар өрөспүүбүлүкэттэн, биир дойдулаахтарыттан өрүү көмөнү, өйөбүлү ылабыт диэн улахан махталларын тиэрдэллэр”, - диэтэ.
Кини ыһыах бырааһынньыгын иннинэ тиийэн уолаттарбытыгар араас гуманитарнай көмөнү, бойобуой соруктары көдьүүстээхтик толорорго аналлаах тэхиньиичэскэй тэриллэри илдьэн биэрбит. Айсен Сергеевич этэринэн, уолаттар бары өстөөҕү кыайан, кыайыы-хотуу көтөллөнөн дойдуларыгар төннөр санаалара кытаанах, күүстээх.
Бэйэ кэр.
