От ыйын 3 күнүгэр Ил Дархан Айсен Николаев ойуур баһаардарыттан сылтаан өрөспүүбүлүкэҕэ үөскээн эрэр уустук балаһыанньаны учуоттаан, ыксаллаах быһыы-майгы эрэсиимин биллэрдэ. Санаттахха, аҥаардас ааспыт өрөбүллэргэ кураанах этиҥтэн сылтаан 60-тан тахса сиргэ уот турда.
От ыйын 3 күнээҕи туругунан, Саха сиригэр барыта 61 тыһыынча гаа иэннээх 110 ойуур баһаара баар.
“Уустук быһыы-майгы ордук Уус Майда, Өймөкөөн уонна Алдан улуустарыгар таҕыста. Онон сибээстээн, өрөспүүбүлүкэ сиригэр-уотугар барытыгар ыксаллаах быһыы-майгы эрэсиимин биллэрэбин”, – диэн Ил Дархан телеграм-ханаалыгар суруйбут.
Cонун төрдө: Айсен Николаев телеграм-ханаала
