Сүүрүүнү сөбүлээччилэр от ыйын 16 күнүгэр Үс Хатыҥҥа ыһыах ыһыахтара.
Маннык тэрээһин аан бастакытын ыытыллара былааннанар, ол курдук бу күн култуурунай тэрээһиннэр, успуорт күрэхтэһиилэрэ ыытыллыахтара.
“Сайын аайы араас түмсүүлэр, биир идэлээх дьон мустан ыһыахтыыллара үгэскэ кубулуйда. Быйыл биһиги сүүрүү кулууптарын, сүүрүүнү сөбүлээччилэри мунньарга сананныбыт. Ким баҕалаах Most сыһыарыынан киирэн, бэлиэтэниини ааһыан уонна кыттыан сөп. Киирии төлөбүрдээх – 600 солк., оҕолорго босхо. Билиэти атыыласпыт дьон куар-куод ылыахтара, онтуларынан сыаналаах бириистээх оонньотууга кыттыахтара. Тэрээһиҥҥэ сүүрүү кулууптарын парада, араас күрэстэр уонна успуорт күрэхтэһиилэрэ баар буолуохтара”, – диэн тэрийээччилэртэн Роман Саввин кэпсээтэ.
12:30 — мустуу;
13:30 — Алгыс;
13:50 — сүүрүү кулууптарын кытта билсии уонна кэлим пуормалаах парад (спортивнай/сахалыы/тус бэйэ көрүүтүнэн);
14:30 — кыттааччылар уопсай хаартыскаҕа түһүүлэрэ;
14:40 — уопсай эбиэт (хас биирдии киһи бэйэтэ бүлүүдэлээх кэлэр/ким баҕалаах музыкальнай нүөмэрдээх буолара көҥүллэнэр);
15:30 — доҕордуу күрэхтэһиилэр:
1. Эстафета (кулууптарын буолбатах);
2. 100 м халадаайдаах сүүрүү (дьахталлар, 3 номинация);
3. Миэстэттэн ойуу (эр дьон, 3 номинация);
4. Аҕам, ийэм уонна мин — спортивнай дьиэ кэргэн (эстафета, 3 номинация);
5. Ыһыах саамай аҕа саастаах сүүрүгэ (1 номинация);
6. Ыһыах саамай эдэр сүүрүгэ (1 номинация);
7. 60 м оҕолорго сүүрүү (4-7 саастаахтарга, 8-10 саастаахтарга, 11-14 саастаахтарга) (сааһынан бөлөх аайы 3 номинация);
17:10 — наҕараадалары туттарыы;
17:40 — киирии билиэтинэн сүүйүүлээх оонньотуу;
18:00 — оһуокай.
Санатар буоллахха, атырдьах ыйын 12-13 күннэригэр Дьокуускайга Саха сиригэр сүүрүүгэ биир чаҕылхай тэрээһинэ «Inner Drive якутский полумарафон» буолуоҕа. www.ykt.run. Киирэн бэлиэтэниини ааһыахха сөп.
sportyakutia.ru
