Ил Дархан Айсен Николаев этиитинэн, 25 саастарыгар диэри бастакытын холбоһор эдэр ыалларга биир кэмнээх төлөбүр олохтонон эрэр. Ол туһунан сокуон бырайыага алтынньы 18 күнүгэр регион парламеныгар бастакы ааҕыыны ааспыта.
VII ыҥырыылаах Ил Түмэн дьокутааттара «Дьиэ кэргэни, ийэ-аҕа буолууну уонна оҕо сааһы харыстыыр туһунан» өрөспүүбүлүкэтээҕи сокуоҥҥа маннык уларытыыны киллэрэргэ сөбүлэстилэр. Сокуон 2024 сылтан олоххо киириэҕэ.
Ил Дархан бу миэрэ, ыал буолууну элбэтэрин таһынан, оҕо төрөөһүнүн элбэтиэ диэн санаалаах. Онон, көмөнү оҥорууга өрөспүүбүлүкэ бүддьүөтүттэн сыл ахсын 85 мөл. солк. көрөр ирдэниэ.
Сонун төрдө: Ил Түмэн аан ситимэ
