СӨ Доруобуйа харыстабылын министиэристибэтэ «Добрый вечер, доктор!» аахсыйаны хаттаан ыытарга быһаарда. Ол курдук, үлэлиир дьон алтынньы 31 күнүттэн киэһээҥҥи табыгастаах кэмҥэ диспансеризация ааһыахтарын, анаалыс туттарыахтарын, тумууну утары быһыы туруортарыахтарын сөп. Бу аахсыйа былырыын сайын ыытыллыбыта уонна 11 тыһ. тахса киһини хаппыта.
Диспансеризация бастакы түһүмэҕин түмүгүнэн көрдөрөөччүлэри эбии исписэлиистэргэ, стационарга ыыталлар эбэтэр эмтэнии аныыллар. Быйыл аахсыйа саҕаланна. Балыыһа пууннара киэһэ 17:00 чаастан 20:00 чааска диэри маннык аадырыстарынан үлэлиэхтэрэ:
– Дьокуускай к. 1 №-дээх поликлиника –«Туймаада» ТРК, бастакы этээскэ;
– Дьокуускай к. 2 №-дээх балыыһата –«Ураса Молл» ТРЦ, ДНС маҕаһыын аатыгар 1 этээскэ;
– Дьокуускай к. 3 №-дээх балыыһата –«Азия» ТРК, 3 этээс;
– Дьокуускай к. мэдиссиинэ киинэ – Кальвица уул. 3, 2 этээс, 246 кэб.
Маны таһынан, Өрөспүүбүлүкэтээҕи онкологическай диспансерга онкоскрининг оҥороллор. Аадырыһа: Дьокуускай к., Феликс Кон уул., 1/3. Эрдэттэн суруйтарыынан сарсыарда 9:00 чаастан 16:00 чааска диэри. Билсэр төл. 8(962)-731-18-00.
Дерматолог-быраастар Өрөспүүбүлүкэтээҕи тирии уонна венерологическай ыарыылары эмтиир диспансерга босхо көрөллөр уонна дерматоскопия оҥороллор. Аадырыһа: Дьокуускай к., Богдан Чижик уул., 3-с дьиэтэ, 7 кэб. Киэһэ 17:00 чаастан 20:00 чааска диэри.
Быйыл диспансеризацияны 1984, 1987, 1990, 1993, 1996, 1999, 2002, 2005 сылларга төрөөбүт 39 диэри уонна 40 үөһэ саастаах дьон бары ааһыахтаахтар. 18-39 сааска диспансеризацияны үс сылга биирдэ, 40 саастан сыл ахсын ааһыахтааххыт.
Сонун төрдө: СӨ Бырабыыталыстыбатын уонна Ил Дарханын пресс-сулууспата
