Саха сирин ДНР-га уонна ЛНР-га тирэх пууннарын координатора Юстас иһитиннэриитинэн, билигин манна Горнай, Дьааҥы уонна Өймөкөөн дэлэгээссийэлэрэ үлэлии сылдьаллар. Алтынньы-сэтинньи ыйдарга өрөспүүбүлүкэттэн барыта 20 кэриҥэ дэлэгээссийэ тиийэ сылдьыбыт.
«Тирэх пууннар ыстааттаах эрэсиимҥэ үлэлии тураллар. Үлэһиттэр бары өрө көтөҕүллэн 16-18 чаас сылдьаллар. Ааттаах-суоллаах баһыылка олус элбэх. Саҥа дьылга диэри баһыылканы уонна истиҥ илдьити барытын тиэрдэ сатыыбыт. Бүгүҥҥү туругунан, фронт араас хайысхатынан, Луганскайтан уонна Сватовскайтан саҕалаан, Запорожье уонна Херсон уобаластарын хаптыбыт», – диэн кини кэпсээтэ.
Юстас эппитинэн, Саха сирин тирэх пууннара «Боотур» этэрээт байыастарыгар уонна чопчу соруктаах ВДВ 45-с биригээдэтигэр квадроцикл саҥа баартыйатын тиксэрэн эрэллэр.
Сонун төрдө: CӨ Бырабыыталыстыбатын уонна Ил Дарханын пресс-сулууспата
